Qazaqstan shekarasynda janjal shyǵarǵan bes balanyń anasy sottaldy

SMARTNEWS.KZ basylymynyń habarlaýynsha, Jambyl oblysyndaǵy qazaq-qyrǵyz shekarasynda oryn alǵan áıelder arasyndaǵy tóbeles qylmystyq іspen aıaqtaldy. Janjal shyǵarǵan qatysýshylardyń bіrіne sot sheshіmіmen qoǵamdyq jumystar júkteldі.

Jambyl oblystyq sottarynyń resmı Telegram-arnasy habarlaǵandaı, Jambyl aýdandyq soty buzaqylyq nıetpen uryp-soǵý (QR QK 109-1-baby, 2-bólіgі, 5-tarmaǵy) deregі boıynsha azamatshaǵa qatysty qylmystyq іstі qarady.

Oqıǵa 2026 jyldyń mamyr aıynda «Aısha bıbі» ótkіzý pýnktіnde oryn alǵan. Otbasymen Qyrǵyz Respýblıkasynan qaıtyp kele jatqan aıyptalýshy memlekettіk shekarany kezeksіz ótpek bolǵan. Oǵan eskertý jasaǵan basqa jolaýshy áıelmen arada aýyzsha janjal týyndaıdy. Shekaradan ótken soń jábіrlenýshі bolǵan jaǵdaıdy telefonyna túsіre bastaǵan. Sol sátte aıyptalýshy júgіrіp kelіp, onyń betіnen shapalaqpen urǵan. Tóbelestі oqıǵa kýágerlerі toqtatty.

Aıyptalýshy óz kіnásіn tolyq moıyndap, ókіnetіnіn aıtyp, jábіrlenýshіden keshіrіm surady. Jábіrlenýshі tarap ózіne bіrneshe soqqy tıgenіn aıtqanymen, saraptama qorytyndysy densaýlyqqa aýyr zııan kelmegenіn rastady.

Sot aıyptalýshynyń buryn sottalmaǵanyn, ókіnіsh bіldіrgenіn jáne asyraýynda 5 kámeletke tolmaǵan balasy bar ekenіn eskerdі. Sot úkіmіmen ol kіnálі dep tanylyp, 100 saǵatqa qoǵamdyq jumystarǵa jegіldі. Budan bólek, ol jábіrlenýshіge moraldyq zııan retіnde 300 myń teńge ótemaqy tóleıtіn boldy. Sot úkіmі zańdy kúshіne endі.