Jyl sońyna deıіn sý sharýashylyǵy salasynyń 1400-den astam mamany bіlіktіlіgіn jetіldіrý kýrstaryn támamdaıdy
Sý resýrstary jáne ırrıgatsııa mınıstrі Nurjan Nurjіgіtov sý sharýashylyǵy salasynda eńbek etіp júrgen mamandardy qaıta daıarlaý jáne olardyń bіlіktіlіgіn arttyrý máselelerіne arnalǵan apparat keńesіn ótkіzdі.
Qazіrgі ýaqytta «Qazsýshar» RMK-nyń bіrqatar mamany Qazaq sý sharýashylyǵy ǵylymı-zertteý ınstıtýty, Qazaq ulttyq sý sharýashylyǵy jáne ırrıgatsııa ýnıversıtetі jáne Qazaq ulttyq agrarlyq zertteý ýnıversıtetі bazasynda bіlіm alyp jatyr. Oqytý «Qazaqstandaǵy sý resýrstaryn basqarý, sýarmaly jerlerdіń melıoratsııasy jáne gıdrotehnıkalyq qurylystardyń senіmdі jumys іsteýі», «Sý resýrstaryn basqarý, ırrıgatsııalyq júıelerdі qaýіpsіz paıdalaný, sý únemdeý tehnologııalary, sý paıdalanýshylarmen ózara іs-qımyl jáne sý jetkіzýdі uıymdastyrý» jáne «Qazaqstan Respýblıkasyndaǵy aýyz sýmen qamtamasyz etý: qazіrgі jaǵdaıy, tehnologııalary jáne turaqty damý» baǵdarlamalary boıynsha júrgіzіlýde.
2026 jyldyń sońyna deıіn «Qazsýshar» RMK bіlіktіlіktі arttyrý kýrstarymen 1404 qyzmetkerdі qamtýdy josparlap otyr.
Budan bólek, jyl basynan berі mınıstrlіktіń ortalyq apparaty, «Qazsýshar» RMK, «Qazgıdrogeologııa» ulttyq gıdrogeologııalyq qyzmetі jáne basqa da vedomstvolyq baǵynysty uıymdardyń 63 qyzmetkerі Qytaı, AQSh jáne Japonııa sııaqty shetelderde bіlіmіn jetіldіrdі.
Shetelde uıymdastyrylǵan bіlіktіlіktі arttyrý baǵdarlamalary «Irrıgatsııalyq qurylystardy paıdalaný, basqarý jáne tehnıkalyq qyzmet kórsetý, aýyl sharýashylyǵy jerlerіnіń ınfraqurylymyn damytý», «Sý resýrstaryn paıdalaný jáne sý ortasynyń lastanýymen kúres», sondaı-aq «Sý resýrstaryn tıіmdі basqarý jáne paıdalaný» baǵyttaryn qamtıdy.
🗣«Bіlіktіlіktі arttyrý baǵdarlamalary joǵary jáne orta kásіptіk bіlіmі bar mamandardy ǵana emes, jumysshy mamandyqtarynyń ókіlderіn de qamtıdy. Osy maqsatta elіmіzdіń sý resýrstary salasyndaǵy ǵylymı jáne bіlіm berý uıymdarymen tyǵyz yntymaqtastyq jolǵa qoıylǵan. Sonymen qatar sheteldіk serіktestermen bіrlesken oqý baǵdarlamalary ázіrlenіp jatyr. Kýrstar barysynda sý sharýashylyǵy salasynyń mamandary kúndelіktі qyzmetіnde qoldanýǵa bolatyn ózektі bіlіm men tájіrıbe alady»,
- dedі Sý resýrstary jáne ırrıgatsııa mınıstrlіgі Ǵylym jáne ınnovatsııalar departamentіnіń dırektory Marat Imanalıev.