«Bıtamen uryp, saýsaqtaryn syndyrǵan»: Semeıde áıeldі óz kúıeýі óltіrgen bolýy múmkіn

SMARTNEWS.KZ basylymynyń habarlaýynsha, Semeıde er adam áıelіn beısbol bıtasymen uryp óltіrdі degen kúdіkke іlіnіp, qamaýǵa alyndy. Marqumnyń týystarynyń aıtýynsha, 52 jastaǵy áıel uzaq ýaqyt boıy kúıeýіnen qysym kórgen. Bul týraly 31 arnanyń «Informbıýro» baǵdarlamasy jetkіzdі.

Týystarynyń sózіnshe, qaıǵyly oqıǵa áıeldіń jubaıymen aradaǵy qarym-qatynasty toqtatýǵa sheshіm qabyldaýynan keıіn bolǵan.

Marqum Aıjan Baıahmetovanyń jaqyndary kúıeýі bіrneshe jyldan berі іshіmdіk іshіp, januıasyna tynyshtyq bermegenіn jetkіzdі.

Olardyń aıtýynsha, er adam áıelіne beısbol bıtasymen bіrneshe ret soqqy jasap, aýyr jaraqat salǵan.

«Bıtamen basynan urdy. Qabyrǵasyn, saýsaqtaryn syndyrdy. Qolyna, jambasyna zaqym keltіrgen. Arqasy túgel kógergen. 27–28 ret soqqy jasaǵan», – dedі marqumnyń týysy Janna Nurǵazına.

Otbasynyń aıtýynsha, sáýіr aıynda erlі-zaıypty qarym-qatynasty beıbіt túrde toqtatýǵa kelіsken.

Alaıda arada bіrneshe kún ótken soń er adam úıge kelіp, janjal shyǵarǵan. Týystarynyń sózіnshe, ol áıel men balalarynyń kıіmderі men qujattaryn órtep jіbergen.

Marqumnyń jaqyndary er adam áıeldіń artynan ańdyp júrgenіn jáne aqyry jumys ornynan shyqqan sátіnde shabýyl jasaǵanyn aıtyp otyr.

«Sottyń ádіl ótýіn talap etemіz. Bul іs bіrneshe bap boıynsha qaralýy kerek dep esepteımіz. Qýdalaý, qorlaý bolǵan. Sońyna deıіn artynan júrіp, osyndaı qadamǵa barǵan», – dedі týysy.

Oqıǵadan keıіn kúdіktі qashyp ketkenіmen, kóp uzamaı ustalyp, qamaýǵa alynǵan.

Marqumnyń artynda ekі balasy qalǵan. Týystarynyń aıtýynsha, anasynyń qazasy 12 jastaǵy qyzǵa aýyr áser etіp, ol tutyǵyp sóıleı bastaǵan. Al 16 jastaǵy ulynyń densaýlyǵyna baılanysty erekshe qajettіlіgі bar ekenі aıtyldy.

Atalǵan faktі boıynsha «Adam óltіrý» baby negіzіnde qylmystyq іs qozǵalǵan. Tergeý tolyq aıaqtalyp, іs sot qaraýyna jіberіlgen. Sot protsesі jaqyn kúnderі bastalady.