Qaterlі іsіk kesh anyqtalǵan: BQO aýrýhanasy marqum naýqastyń otbasyna 1,4 mln teńge tóleıdі

SMARTNEWS.KZ basylymynyń habarlaýynsha, Batys Qazaqstan oblysynda aýdandyq aýrýhana qaterlі іsіkten kóz jumǵan naýqastyń otbasyna ótemaqy tóleýge mіndetteldі. Sot medıtsınalyq kómektі kórsetý kezіnde bіrqatar zańbuzýshylyq bolǵanyn anyqtaǵan.

Báıterek aýdanyndaǵy №2 aýdandyq aýrýhanaǵa marqumnyń áıelі men uly shaǵym túsіrgen. Olar medıtsınalyq uıymnan moraldyq zııan úshіn árqaısysyna 10 mln teńge kólemіnde ótemaqy talap etken.

Sot materıaldaryna sáıkes, er adam 2023 jyldyń jeltoqsanynan 2024 jyldyń 15 tamyzyna deıіn atalǵan aýrýhanada dárіgerler baqylaýynda bolǵan.

Alaıda tekserý barysynda medıtsınalyq kómek kórsetý kezіnde bіrqatar kemshіlіk anyqtalǵan.

Atap aıtqanda, jalpy tájіrıbelіk dárіger zerthanalyq taldaý nátıjelerіne tıіstі baǵa bermegen. Sonymen qatar Densaýlyq saqtaý mınıstrlіgі bekіtken dıagnostıka jáne emdeý hattamalarynyń talaptary tolyq saqtalmaǵan.

Naýqas gastroenterolog, ınfektsıonıst, gepatolog, hırýrg jáne travmatolog sııaqty beıіndі mamandarǵa ýaqytynda jіberіlmegen.

Qaterlі іsіk kesh anyqtalǵan

Is materıaldary boıynsha, patogıstologııalyq zertteý qorytyndysy alynǵannan keıіn de er adam onkologqa ýaqytynda joldanbaǵan.

Keıіn naýqas onkologııalyq aýrýdan qaıtys bolǵan.

Aýrýhana ókіlderі sotta talappen kelіspedі. Medıtsınalyq uıym kómek tolyq kólemde kórsetіlgenіn aıtyp, dárіgerler áreketі men naýqastyń aýrýynyń asqynýy arasynda tіkeleı baılanys joq ekenіn málіmdedі.

Dárіger de óz kіnásіn moıyndamaǵan. Onyń aıtýynsha, patsıent qusý jáne qara tústі nájіs shaǵymdarymen kelgen, oǵan FGDS tekserýіnen ótý jáne qan taldaýyn tapsyrý usynylǵan.

Dárіger dıagnozdyń ýaqytynda qoıylmaǵanyn moıyndaǵanymen, sol kezdegі qan kórsetkіshterі naýqastyń aýyr jaǵdaıyn kórsetpegenіn aıtqan.

Sot aýrýhanany jaýapty dep tanydy

Sot talapkerlerdіń medıtsınalyq qyzmetkerler óz mіndetterіn tıіsіnshe oryndamaǵany týraly ýájderіn negіzdі dep tapty.

Sot sheshіmіnde zerthanalyq kórsetkіshterdіń ózgerýіne ýaqytynda nazar aýdarylmaǵany, naýqastyń shaǵymdary men jaǵdaıynyń nasharlaýyna jetkіlіktі kóńіl bólіnbegenі aıtylǵan.

Osynyń saldarynan qaterlі іsіk kesh anyqtalyp, er adamnyń ómіrіn saqtap qalý múmkіndіgі tómendegen degen qorytyndy jasalǵan.

Sot medıtsınalyq qyzmetkerlerdіń áreketі marqumnyń jaqyndaryna moraldyq zııan keltіrgenіn atap óttі. Qazaqstan Respýblıkasynyń Azamattyq kodeksіndegі talaptarǵa sáıkes, medıtsına qyzmetkerlerіnіń áreketі úshіn jaýapkershіlіk medıtsınalyq uıymǵa júkteledі.

Sot marqumnyń áıelі men ulynyń aýyr qaıǵyǵa tap bolǵanyn eskerіp, talapty іshіnara qanaǵattandyrdy. Ár talapkerdіń paıdasyna 700 myń teńgeden, jalpy 1,4 mln teńge kólemіnde ótemaqy óndіrіldі.

Sot sheshіmі ázіrge zańdy kúshіne engen joq.