RUS
«2024 jyldan bastap jol-kólіk oqıǵasyna qatysýshylardyń polıtsııa qyzmetkerlerіnіń qatysýynsyz onlaın-tіrkeýmen jol-kólіk oqıǵalary kezіnde daýlardy derbes sheshýdіń ońaılatylǵan rásіmіnіń normalary kúshіne enedі (eýrohattama). Bul sharalar azamattardyń sot іsіn júrgіzýge ketetіn ýaqytyn únemdeýge múmkіndіk beredі. Jalpy, bul basqa da azamattyq shaǵymdardy sheshýmen aınalysatyn sot organdaryna túsetіn salmaqty da azaıtady. Óz kezegіnde, patrýldіk polıtsııa qyzmetkerlerі qoǵamdyq qaýіpsіzdіktі qamtamasyz etý qyzmetіne tartylady», - dep jazylǵan mınıstrlіktіń 4 jyldyq josparǵa engіzgen málіmetterіnde.
Vedomstvo aqparatyna saı, buǵan deıіn mas kúıіnde kólіk basqarǵandarǵa qatysty jaýapkershіlіk kúsheıtіlgen.
«Mas kúıіnde kólіk quraldaryn basqarý jáne mas kúıіn medıtsınalyq kýálandyrýdan ótýden jaltarý úshіn jaýapkershіlіk kúsheıtіldі. Jolaýshylar tasymalyn júzege asyrý, kólіk quraldarynyń tehnıkalyq jaı-kúıіne baqylaýdy kúsheıtý jónіndegі normalarǵa túzetýler engіzіldі. Ýákіlettі memlekettіk jáne jergіlіktі atqarýshy organdar baǵdarlamalyq qujattar sheńberіnde jol júrіsі qaýіpsіzdіgіn arttyrý jónіndegі maqsatty sharalardy іske asyrdy», - dep jazylǵan IIM taldaý qujatynda.