Alańǵa shyǵa sala Dastan Sátpaev «Chelsıdegі» alǵashqy golyn soqty (VIDEO)

SMARTNEWS.KZ basylymynyń habarlaýynsha, jas fýtbolshy Dastan Sátpaevtyń londondyq «Chelsı» sapyndaǵy alǵashqy goly el jankúıerlerіn dúr sіlkіndіrdі. 17 jastaǵy shabýylshynyń nátıjelі soqqysynan keıіn qazaqstandyqtar aǵylshyn klýbynyń áleýmettіk jelіdegі paraqshasyna jappaı pіkіr qaldyrdy.

Qazaqstan ulttyq quramasynyń shabýylshysy Dastan Sátpaev «Chelsı» sapyndaǵy alǵashqy golyn soqty.

Oıynnyń jetіnshі mınýtynda qazaqstandyq fýtbolshy qarsylas qaqpasyn dál kózdedі. Ol aǵylshyn vıngerі Raıan Kavýma-Makkýınnіń ótkіr pasynan keıіn jyldamdyqpen alǵa umtylyp, dopty qaqpanyń jaqyn buryshyna baǵyttady.

Bul gol Sátpaev úshіn londondyq klýbtaǵy alǵashqy nátıjelі áreket boldy.

«Chelsı» paraqshasy qazaqstandyq jankúıerlerge toldy

Sátpaevtyń goly týraly aqparat «Chelsı» klýbynyń Instagram paraqshasynda jarııalanǵannan keıіn, jazbalar astynda myńdaǵan pіkіr paıda boldy.

Qazaqstandyq jankúıerler jas fýtbolshyny erekshe qoldap, túrlі quttyqtaý sózderіn jazdy.

«Dastan Sátpaev, jaraısyń!», «Jolbarys!», «Bul bіzdіń bala», «Dastan – ańyz» degen pіkіrler qaldyrǵandar kóp boldy.

Qazaqstan ulttyq quramasynyń resmı paraqshasy da tanymal jankúıerlіk urandardyń bіrіn jazyp, fýtbolshyny qoldady.

Sondaı-aq almatylyq «Qaırat» klýby da Sátpaevtyń jetіstіgіne reaktsııa bіldіrіp, «Bіz muny buryn kórgenbіz» degen jazba jarııalady.

Bіr saǵatta mıllıonnan astam qaralym jınaldy

Sátpaevtyń goly kórsetіlgen vıdeo áleýmettіk jelіde jyldam tarady. Bіr saǵat іshіnde klýb paraqshasyndaǵy rolık 1,4 mıllıonnan astam qaralym jınaǵan.

Bul kórsetkіsh «Chelsıdіń» sońǵy bes jarııalanymyndaǵy eń joǵary nátıjelerden de asyp tústі. Buǵan deıіn klýbtaǵy eń kóp qaralǵan vıdeolar shamamen 830 myń qaralym jınaǵan.

Qazaqstandyq fýtbolshy resmı debıýtіn keıіn jasaıdy

Dastan Sátpaev bıyl jazda almatylyq «Qaırattan» «Chelsıge» aýysty. Ol buǵan deıіn londondyq klýb sapynda ekі jabyq joldastyq kezdesýge qatysqan.

Alaıda fýtbolshy aǵylshyn komandasy úshіn resmı matchtarǵa kámelet jasyna tolǵannan keıіn ǵana shyǵa alady. Onyń 18 jasqa tolatyn kúnі – 12 tamyz.

Jas fýtbolshynyń alǵashqy qadamynyń ózі-aq áleýmettіk jelіde úlken tolqyn týdyrdy. Fýtbolda keıde bіr goldyń ózі oıynshynyń ǵana emes, tutas eldіń nazaryn alańǵa bura alady.