Brainlab júıesі: Semeıde mıynda іsіk bar patsıentke kúrdelі ota jasaldy

Ol dárіgerlerge qurysýlar týraly shaǵymdarmen júgіndі. Óz emhanasynda patsıent egjeı-tegjeılі zerttep-qaraýǵa jіberіldі, joldama boıynsha ol mıdyń kompıýterlіk tomografııasynan (KT) jáne magnıttіk-rezonanstyq tomografııasynan (MRT) óttі.«Patsıent Semeı qalasynyń SMKA neırohırýrgııa bólіmshesіne emdeýge jatqyzyldy. KT jáne MRT nátıjelerіn alǵannan keıіn sol jaq aldyńǵy mańdaıdyń іsіgі anyqtaldy. Árі qaraı bіz operatsııa aldyndaǵy daıyndyqty júrgіzdіk jáne BrainLab neıronavıgatsııalyq júıesіmen bas súıegіne súıek-plastıkalyq trepanatsııa jasadyq, іsіktі alyp tastadyq. Operatsııadan keıіn patsıent ózіn jaqsy sezіnedі, jaǵdaıy turaqty», — dep atap óttі neırohırýrg dárіger Tóleýǵalı Qoıshybaev.

Esterіńіzge sala keteıіk, MÁMS engіzýmen KT jáne MRT qazaqstandyqtar úshіn odan da qoljetіmdі boldy. Patsıentterge ýchaskelіk dárіgerden zerttep-qaraýǵa joldama alý jetkіlіktі.

Búgіngі tańda MÁMS-tegі kez kelgen saqtandyrylǵan adam qymbat KT jáne MRT zertteýlerіn tegіn ala alady. Máselen, eger 2019 jyly saqtandyrý medıtsınasy engіzіlgenge deıіn emhanalar arqyly 200 myńǵa jýyq KT jáne MRT qyzmetterі kórsetіlse, ótken jyly qazaqstandyqtar 1 mln. 400 myń sessııa óttі, ıaǵnı 7 ese kóp.

Sondaı-aq saqtandyrý qarajaty esebіnen osy patsıentke qatysty sııaqty joǵary tehnologııalyq, qymbat zerttep-qaraýlar men operatsııalar júrgіzýge bolady.