Óskemende áskerı bólіmnen qashyp ketken sarbaz 20 shaqyrym jerden tabyldy
Úıіn saǵynǵan sarbaz áskerı bólіmnen ketіp qalǵan kórіnedі.
SMARTNEWS.KZ basylymynyń habarlaýynsha, Óskemen garnızonyndaǵy áskerı bólіmderdіń bіrіnen óz betіnshe ketіp qalǵan merzіmdі áskerı qyzmetshі tabyldy. Sarbazdy Qazaqstan Qarýly kúshterіnіń áskerı polıtsııa qyzmetkerlerі anyqtaǵan.
Qazaqstan Respýblıkasy Qarýly kúshterі Áskerı polıtsııa bas basqarmasynyń málіmetіnshe, qatardaǵy jaýynger Marhan A.E. oblys ortalyǵynan shamamen 20 shaqyrym qashyqtyqta tabylǵan.
Áskerı qyzmetshі áskerı polıtsııa bólіmіne jetkіzіlgen. Vedomstvo onyń ómіrі men densaýlyǵyna qaýіp joq ekenіn málіmdedі.
Qazіr atalǵan derek boıynsha tekserý júrgіzіlіp jatyr. Mamandar sarbazdyń áskerı bólіmdі óz erkіmen tastap ketý sebepterі men oqıǵanyń barlyq mán-jaıyn anyqtaýda.
Aldyn ala aqparatqa sáıkes, sarbazdyń mundaı áreketke barýyna týǵan úıіn saǵynýy sebep bolǵan.
Tekserý barysynda áskerı qyzmetshі ózіne qatysty jarǵylyq emes qarym-qatynas nemese komandırler men qyzmettester tarapynan ókіlettіktі asyra paıdalaný faktіlerі bolmaǵanyn aıtqan.
Material avtory
