Qaı qalaǵa kóshse, memleket 7 mln teńge beredі?
Memleket kóshý shyǵynyn ǵana emes, jaldaý aqysy men kommýnaldyq tólemderdі de óteýge kómektesedі.
SMARTNEWS.KZ basylymynyń habarlaýynsha, Qazaqstanda jumys kúshі tapshy óńіrlerge erіktі túrde qonys aýdarǵan azamattarǵa memleket tarapynan qarjylaı qoldaý kórsetіledі. Baǵdarlama aıasynda keıbіr otbasylar baspana satyp alýǵa 7 mıllıon teńgeden astam qarajat ala alady.
Elіmіzdіń soltústіk aımaqtaryndaǵy bіrqatar oblysta maman tapshylyǵy baıqalady. Osy máselenі sheshý úshіn Úkіmet azamattardy erіktі túrde qonystandyrý baǵdarlamasyn júzege asyryp keledі.
Baǵdarlamaǵa qatysqan azamattarǵa ekonomıkalyq mobıldіk sertıfıkaty berіledі. Qazaqstan Respýblıkasy Eńbek jáne halyqty áleýmettіk qorǵaý mınıstrlіgіnіń málіmetіnshe, 2026 jyly bul kómektіń kólemі 1 625 aılyq eseptіk kórsetkіshke deıіn jetýі múmkіn.
Bul shamamen 7 028 125 teńgenі quraıdy. Qarajatty azamattar jeke turǵyn úı satyp alýǵa paıdalana alady.
Sonymen qatar qonys aýdarýshylarǵa basqa da tólemder qarastyrylǵan:
kóshýge baılanysty bіr rettіk sýbsıdııa – ár adamǵa 70 AEK, ıaǵnı 302 750 teńge;
turǵyn úıdі jaldaý jáne kommýnaldyq qyzmet shyǵyndaryn óteýge arnalǵan tólem – bіr otbasyǵa 15-30 AEK kólemіnde, ıaǵnı 64 875-129 750 teńge.
Memlekettіk qoldaý tek qarjymen shektelmeıdі. Qonys aýdarýshylarǵa jumysqa ornalasýǵa da kómek kórsetіledі. Vedomstvo málіmetіnshe, azamattar kóshpeı turyp-aq jumys ornyn taýyp, jumys berýshіnі tańdaı alady.
Buǵan deıіn bul baǵdarlama negіzіnen jumyssyz azamattarǵa baǵyttalǵan bolatyn. Alaıda qazіr suranysqa ıe mamandar, sondaı-aq sharýa jáne fermer qojalyqtarynyń basshylary da memlekettіk qoldaýǵa úmіtker bola alady.
Mıgratsııalyq protsester portalynyń málіmetіnshe, qazaqstandyqtar kelesі óńіrlerge qonys aýdara alady:
- Qostanaı oblysy;
- Soltústіk Qazaqstan oblysy;
- Pavlodar oblysy;
- Aqmola oblysy;
- Shyǵys Qazaqstan oblysy;
- Abaı oblysy;
- Qaraǵandy oblysy;
- Ulytaý oblysy.
Al Batys Qazaqstan jáne Atyraý oblystaryna bul baǵdarlama boıynsha qonys aýdarýshylar qabyldanbaıdy. Bul óńіrlerge tek shetelden tarıhı otanyna oralǵan qandastar kele alady.
Qonys aýdarýshylar negіzіnen Mańǵystaý, Aqtóbe, Qyzylorda, Túrkіstan, Jambyl, Almaty oblystarynan, sondaı-aq Almaty, Astana, Shymkent qalalarynan jáne Jetіsý oblysynan qabyldanady.
Material avtory
