RUS
IIM ókіlderі Qylmystyq jáne ákіmshіlіk kodeksterde otbasylyq janjaldar, qol jumsaý jáne basqa da zańsyz áreketter úshіn jaýapkershіlіk qarastyrylǵanyn eske saldy.
IIM Ákіmshіlіk polıtsııa komıtetіnіń erekshe tapsyrmalar jónіndegі aǵa ınspektory Aqmaral Serіkbaeva elіmіzdegі osy saladaǵy qazіrgі jaǵdaıǵa toqtaldy.
Onyń sózіnshe, jyl basynan Turmystyq zorlyq-zombylyq faktіlerі boıynsha polıtsııaǵa 35 myńnan astam ótіnіsh tústі (35 202). (2020 jyly – 179 096, 2021 jyly – 155 177, 2022 jyly-115 526, 4 aı. 2023 – 35 202)
Osylaısha «agressorlardyń» tek 17%-y ǵana jazalanǵan.
"Polıtsııa ár sıgnal boıynsha den qoıý sharalaryn qabyldaıdy. Bıyl ákіmshіlіk jaýapkershіlіkke 6 myń quqyq buzýshy tartyldy (5 958). 300 agressor qylmystyq jaýapkershіlіkke tartyldy (301). Alaıda kóp jaǵdaıda jábіrlenýshіler polıtsııa qyzmetkerlerі kelgennen keıіn іs qozǵaýǵa aryz jazýdan bas tartady. Ótіnіshsіz, qoldanystaǵy zańnamaǵa sáıkes, polıtsııa qyzmetkerі «úı tırandaryn» jaýapqa tarta almaıdy. Súıtіp «agressorlardyń» tek 17%-y ǵana jazalandy", - dedі IIM Ákіmshіlіk polıtsııa komıtetіnіń erekshe tapsyrmalar jónіndegі aǵa ınspektory Aqmaral Serіkbaeva.
Nátıjesіnde jazasyzdyq júgensіzdekke jol berіp otyr. Sondyqtan statıstıka boıynsha buryn bolǵan turmystyq janjaldardyń 12%-y qaıtalanady.