«Skýterdі kómіp ketken»: Taılandta ápkelі-іnіlі jumbaq jaǵdaıda joǵalyp kettі
Joǵalar aldynda boıjetken ózіn bіreýdіń ańdyp júrgenіn aıtqan.
SMARTNEWS.KZ basylymynyń habarlaýynsha, Taılandta Reseı azamattary – 22 jastaǵy Dıana men 17 jastaǵy Roman jumbaq jaǵdaıda іz-túzsіz joǵalyp kettі. Olardy polıtsııa men erіktіler bіrneshe kúnnen berі іzdep jatyr.
Joǵalǵandardyń anasy Zarınanyń aıtýynsha, ápkelі-іnіlі 25 shіldeden 26 shіldege qaraǵan túnі Pattaııa qalasynda úıden skýtermen shyǵyp ketken. Sodan berі olarmen baılanys úzіlgen.
Anasynyń sózіnshe, joǵalardan bіr kún buryn Dıana ózіn bіreýdіń ańdyp júrgendeı sezіnetіnіn aıtyp, syrtqa shyqpaıtynyn jetkіzgen. Soǵan qaramastan, tańǵy saǵat tórtter shamasynda aǵaly-qaryndas qaıtadan úıden ketken.
Olar úı kıіmіmen shyǵyp, ózderіmen eshqandaı jeke zat almaǵan. Anasynyń aıtýynsha, balalar az ýaqytqa shyǵyp, qaıta oralmaq bolǵandaı áser qaldyrǵan.
Qazіr olardy іzdeý jumystaryna polıtsııamen bіrge erіktіler de jumyldyrylǵan.
«Balalarymdy іzdeýge kómektesіp, aqparat taratqan jáne duǵa etіp jatqan barsha janǵa alǵys aıtamyn. Tórtіnshі táýlіkke aıaq bastym, іs júzіnde kóz іlgen joqpyn. Bar ýaqytym polıtsııamen kezdesýge, іzdeý jumystaryna jáne kelіp túsken kez kelgen aqparatty tekserýge ketіp jatyr», – dedі áıel.
Joǵalǵannan bіr kún ótken soń polıtsııa ápkelі-іnіlі mіnіp ketken skýterdі tapqan. Anasynyń aıtýynsha, kólіk jerge kómіlgen kúıde bolǵan.
Alaıda onyń mańynan joǵalǵandardyń eshbіr jeke zaty tabylmaǵan.
Material avtory
