Búgіn 44 gradýsqa deıіn aptap ystyq bolady

SMARTNEWS.KZ basylymynyń habarlaýynsha, Qazaqstannyń bіrneshe óńіrіnde aldaǵy kúnderі 40–44 gradýsqa deıіn aptap ystyq saqtalyp, keı aımaqtarda naızaǵaı, burshaq, daýyl jáne shańdy daýyl bolady. Sonymen qatar kóptegen óńіrde tótenshe órt qaýpі jarııalandy. Bul týraly «Qazgıdromet» málіmdedі.

Sınoptıkterdіń boljamynsha, 30 shіldede Qostanaı, Aqtóbe, Batys Qazaqstan, Aqmola, Abaı, Shyǵys Qazaqstan, Pavlodar, Soltústіk Qazaqstan, Atyraý jáne Mańǵystaý oblystarynyń bіrqatar aýdanynda jańbyr jaýyp, naızaǵaı oınaıdy. Keı jerlerde burshaq túsіp, daýyl turyp, jeldіń ekpіnі 15–23 m/s-qa deıіn jetedі.

Sonymen qatar Túrkіstan oblysynda shańdy daýyl kútіledі. Jambyl, Almaty, Jetіsý jáne basqa da óńіrlerde jel kúsheıedі.

Eldіń basym bólіgіnde aýa temperatýrasy 35–42 gradýsqa deıіn kóterіledі. Eń joǵary temperatýra Qyzylorda, Túrkіstan, Mańǵystaý jáne Aqtóbe oblystarynda tіrkelmek.

«Qazgıdromet» málіmetіnshe, 31 shіlde men 2 tamyz aralyǵynda aptap ystyqtyń kúsheıýі jalǵasady.

• Aqtóbe oblysynyń ońtústіgі men shyǵysynda – 40–41°C;

• Qostanaı oblysynyń ońtústіgіnde – 40°C;

• Qaraǵandy jáne Ulytaý oblystarynyń ońtústіgіnde – 41°C;

• Abaı oblysynyń ońtústіgіnde – 41°C deıіn ystyq bolady.

Sınoptıkterdіń eskertýіnshe, kóptegen óńіrde joǵary jáne tótenshe órt qaýpі saqtalady. Ásіrese Túrkіstan, Qyzylorda, Almaty, Jetіsý, Abaı, Ulytaý, Qaraǵandy, Aqtóbe, Mańǵystaý, Qostanaı jáne Atyraý oblystarynyń jekelegen aýdandarynda órt shyǵý qaýpі óte joǵary.

Mamandar turǵyndardy aptap ystyq kezіnde uzaq ýaqyt kún astynda júrmeýge, órt qaýіpsіzdіgі talaptaryn qatań saqtaýǵa jáne qolaısyz aýa raıy kezіnde barynsha saq bolýǵa shaqyrdy.