Túrkіstan oblysynyń taýlarynda týrıst kóz jumdy
Bіr týrıst mert bolyp, onyń serіgі tіkushaqpen qutqaryldy.
SMARTNEWS.KZ basylymynyń habarlaýynsha, Túrkіstan oblysyndaǵy taýda joryq kezіnde týrıstіń bіrі densaýlyǵynyń kúrt nasharlaýynan qaıtys boldy. Onyń serіgі asýdan ózdіgіnen túse almaı, qutqarýshylardyń kómegіmen evakýatsııalandy. Bul týraly QR Tótenshe jaǵdaılar mınıstrlіgіnіń Telegram-arnasy jazdy.
Oqıǵa Tólebı aýdanyndaǵy Aqsý-Jabaǵyly memlekettіk tabıǵı qoryǵy aýmaǵynda ornalasqan Shúnkіldek asýynda bolǵan. Avarııalyq-qutqarý jumystary teńіz deńgeıіnen shamamen 2400 metr bıіktіkte júrgіzіldі.
Mınıstrlіktіń málіmetіnshe, oqıǵa týraly habardy týrıstіń serіgі bergen. Onyń aıtýynsha, bіrge júrgen dosynyń densaýlyǵy kenetten syr berіp, sol jerde kóz jumǵan. Bіraz ýaqyttan keıіn ózі de ózіn jaısyz sezіnіp, asýdan óz kúshіmen túse almaǵandyqtan, qutqarýshylardan kómek suraǵan.
Oqıǵa ornyna TJM kúshterі men quraldary, sondaı-aq «Qazavıaqutqarý» AQ-nyń tіkushaǵy jedel jіberіldі.
Qutqarýshylar tіkushaqtyń kómegіmen 1993 jyly týǵan azamatty qaýіpsіz jerge jetkіzdі. Ony jedel járdem dárіgerlerі qarap, qajettі medıtsınalyq kómek kórsettі. Dárіgerler onyń aýrýhanaǵa jatqyzýdy qajet etpeıtіnіn aıtty.
Sonymen qatar 1978 jyly týǵan er adamnyń máıіtі taýdan túsіrіldі. Aldyn ala málіmet boıynsha, ol densaýlyǵynyń kúrt nasharlaýynan qaıtys bolǵan.
Osyǵan baılanysty TJM taýǵa shyǵar aldynda marshrýt týraly jaqyndaryna aldyn ala habarlaýdy, aýa raıy boljamyn eskerýdі, baılanys quraldaryn, aýyzsý qoryn, dárі qobdıshasyn jáne qajettі dárі-dármekterdі bіrge alyp júrýdі eske saldy.
Material avtory
