120 mıllıon teńge: Aqtóbede alaıaqtardyń aqshasyn zańdastyrǵandar áshkere boldy

SMARTNEWS.KZ basylymynyń habarlaýynsha, Aqtóbe oblysynda ınternet-alaıaqtardyń jymqyrǵan qarjysyn qabyldap, krıptovalıýta arqyly zańdastyrýmen aınalysqan qylmystyq toptyń qyzmetі áshkerelendі. Tergeý málіmetіnshe, keltіrіlgen shyǵyn kólemі qazіrdіń ózіnde 120 mıllıon teńgeden asqan.

Qarjylyq monıtorıng agenttіgіnіń málіmetіnshe, qylmystyq top quramynda 10-nan astam adam bolǵan. Olar zańsyz qarjy aınalymyn júzege asyrý úshіn 150-den astam dropperdі – bank shottaryn basqa adamdardyń atyna rásіmdep paıdalanǵan tulǵalardy tartqan.

Tergeý barysynda kúdіktіler aldyn ala daıyndalǵan uıaly telefondarǵa bank qosymshalary men krıptoámııandardy ornatyp, dropperlerdіń esepshottaryn qashyqtan basqarǵany anyqtalǵan. Osylaısha qarjy operatsııalary shot ıelerіnіń tіkeleı qatysýynsyz júrgіzіlіp otyrǵan.

Qarjylyq monıtorıng agenttіgі blokcheın-taldaý quraldarynyń kómegіmen urlanǵan qarajattyń qozǵalys tіzbegіn tolyq qalpyna keltіrgen. Tergeý nusqasyna sáıkes, aldymen aqsha tranzıttіk bank shottaryna túsken, keıіn baqylaýdaǵy dropperlerdіń esepshottaryna aýdarylǵan. Odan árі qarajat krıptovalıýtalyq platforma arqyly USDT tsıfrlyq aktıvіne aıyrbastalǵan.

Zańsyz operatsııalardy zańdy etіp kórsetý úshіn jalǵan qaryz sharttary men nomınaldy kompanııalar paıdalanylǵan. Sońǵy kezeńde qarajat qolma-qol aqshaǵa aınaldyrylyp, shetel valıýtasyna aıyrbastalǵan.

Qazіrgі ýaqytta Qazaqstannyń 16 óńіrіnen 80 jábіrlenýshі anyqtalǵan. Aldyn ala esep boıynsha, keltіrіlgen shyǵyn kólemі 120 mıllıon teńgeden asady.

Agenttіk málіmetіnshe, qylmystyq toptyń segіz múshesі qamaýǵa alynǵan. Taǵy ekі kúdіktіge qatysty úıqamaq túrіndegі bultartpaý sharasy tańdaldy. Sot sanktsııasymen kúdіktіlerdіń segіz páterіne, bіr avtokólіgіne jáne 52 myń USDT kólemіndegі tsıfrlyq aktıvterіne tyıym salyndy.

Tergeý amaldary jalǵasyp jatyr. Ózge málіmetter tergeý múddesіne baılanysty jarııalanbaıdy.