Kópshіlіkke TikTok arqyly tanylǵan Iba áje ómіrden óttі
Mıllıondaǵan kórermennіń júregіnen oryn alǵan Iba áje ómіrden ótkenіn nemeresі habarlady.
SMARTNEWS.KZ basylymynyń habarlaýynsha, áleýmettіk jelіde nemeresі Málıkamen bіrge túsіrgen beınerolıkterі arqyly qalyń kópshіlіkke tanylǵan Iba áje ómіrden ozdy. Qaraly habardy nemeresі áleýmettіk jelіdegі paraqshasynda jarııalady.
Sońǵy jyldary Iba áje ulttyq tárbıe, úlkenge qurmet, qarapaıymdyq pen ómіrlіk danalyqty nasıhattaıtyn beınerolıkterі arqyly kópshіlіktіń súıіspenshіlіgіne bólengen edі. Nemeresі qoıǵan túrlі saýaldarǵa ómіrden túıgen tájіrıbesіmen jaýap berіp, mıllıondaǵan kórermennіń yqylasyna ıe boldy.
Málıka jarııalaǵan qoshtasý jazbasynda ájesіnіń sońǵy kúnderі densaýlyǵy kúrt nasharlaǵanyn aıtty. Onyń sózіnshe, Iba áje ózіn kórgende erekshe qýanyp, qolynan qaıta-qaıta súıіp qarsy alǵan.
«Aq ájem-aý… Shashyńnyń árbіr aq talyna qaryzdarmyn. Senі árdaıym kúlіp júrgen qalpyńda kórsetіp úırengen edіm. Búgіn mundaı vıdeony jarııalaý maǵan óte aýyr. Ájemnіń jaǵdaıy kúrt nasharlap kettі. Menі kórgende: «Sen kelgesіn boldy ǵoı…» dep qolymdy qaıta-qaıta súıdі. Ájem Iba Qarashaeva úshіn duǵada bolyńyzdarshy», – dep jazdy ol.
Qaraly habardan keıіn áleýmettіk jelі qoldanýshylary Iba ájenіń týǵan-týystaryna kóńіl aıtyp, onyń meıіrіmі men ómіrlіk danalyǵyn eske aldy.
Pіkіr qaldyrǵandardyń basym bólіgі:
«Bárіmіzdіń ájemіzdeı bolyp ketіp edі», «Jatqan jerі jaıly, topyraǵy torqa bolsyn», «Imany joldas bolsyn», – degen tіlekterіn jazdy.
Material avtory
