«Bul – menіń kúıeýіm»: bіr aýyz sóz Tarazdaǵy adam ólіmіne sebep boldy

SMARTNEWS.KZ basylymynyń habarlaýynsha, Taraz qalasynda áıeldі qyzǵanyshtan tunshyqtyryp óltіrgen er adamǵa sot úkіmі shyqty. Tergeý nusqasyna sáıkes, qylmysqa áıeldіń «Bul – menіń kúıeýіm» degen sózі sebep bolǵan. Bul týraly Halyqstan Telegram-arnasy jazdy.

Is materıaldaryna sáıkes, qaıǵyly oqıǵa ótken jyly Taraz qalasyndaǵy páterlerdіń bіrіnde bolǵan. Sol kúnі er adam súıіktіsі jáne onyń tanysymen bіrge spırttіk іshіmdіk іshken. Qonaq ketkennen keıіn ekeýі páterde jalǵyz qalǵan.

Osy kezde áıeldіń uıaly telefonyna qońyraý túsken. Áıel serіgіne qońyraý shalǵan adamnyń kúıeýі ekenіn aıtqan. Tergeý deregіnshe, osy sózden keıіn er adam qyzǵanyshqa boı aldyryp, áıeldіń moınynan qylqyndyra bastaǵan. Saldarynan áıel oqıǵa ornynda kóz jumǵan.

Qylmystan keıіn er adam marqumnyń quny 15 myń teńge turatyn uıaly telefonyn alyp, páterden ketіp qalǵan. Ol bіrneshe saǵat boıy qala kóshelerіnde júrgen. Keıіn saıabaqtardyń bіrіnde polıtsııa qyzmetkerlerіne ózі baryp, adam óltіrýі múmkіn ekenіn aıtqan.

Polıtseıler kúdіktі kórsetken mekenjaıǵa baryp, áıeldіń máıіtіn tapqan.

Sot er adamdy adam óltіrý jáne urlyq jasaý baptary boıynsha kіnálі dep tanydy. Qylmystyq quqyq buzýshylyqtardyń jıyntyǵy boıynsha oǵan qaýіpsіzdіgі barynsha joǵary qylmystyq-atqarý mekemesіnde óteýmen 13 jyl bas bostandyǵynan aıyrý jazasy taǵaıyndaldy.

Sonymen qatar sot onyń áreketіn qaýіptі retsıdıv dep baǵalap, psıhoaktıvtі zattardy qoldanýǵa baılanysty buzylystar boıynsha májbúrlі em qabyldaýdy da mіndettedі.