Astanada 1 tamyzdan bastap LRT úshіn jańa tarıfter kúshіne enedі

SMARTNEWS.KZ basylymynyń habarlaýynsha, 1 tamyzdan bastap Astanadaǵy Tarlan Astana jeńіl relstі kólіk (LRT) jelіsіnde jolaqynyń jańa tarıftіk júıesі іske qosylady. Bul týraly City Transportation Systems (CTS) kompanııasy habarlady.

CTS málіmetіnshe, jańartylǵan tarıftіk júıe jolaýshylarǵa yńǵaıly bolý úshіn engіzіlіp otyr. Bіr rettіk jol júrý quny burynǵydaı 200 teńge bolyp qalady.

Jańa jol júrý tarıfterі

Merzіmdіk jol júrý bıletterі:

• 1 kún – 500 teńge;

• 3 kún – 1 500 teńge;

• 5 kún – 2 500 teńge;

• 10 kún – 4 000 teńge;

• 15 kún – 5 000 teńge;

• 1 aı – 7 500 teńge;

• 3 aı – 20 000 teńge.

Belgіlі bіr sapar sanyna arnalǵan tarıfter:

• 5 sapar – 900 teńge;

• 10 sapar – 1 800 teńge;

• 20 sapar – 3 500 teńge;

• 30 sapar – 5 000 teńge.

Tarıfter qalaı qoldanylady?

CTS túsіndіrýіnshe, aılyq tarıf aǵymdaǵy aıdyń 15-іne deıіn (qosa alǵanda) satyp alynsa, sol aıdyń sońyna deıіn jaramdy bolady. Al 15-іnen keıіn rásіmdelgen jaǵdaıda onyń kúshі kelesі aıdyń 1-kúnіnen bastalady.

Aılyq jol júrý bıletі satyp alynǵan kúntіzbelіk aı іshіnde, ıaǵnı aıdyń 1-іnen sońǵy kúnіne deıіn jaramdy.

Al kúndіk jol júrý bıletterі men sapar paketterі alǵashqy valıdatsııadan keıіn іske qosylyp, sol kúnnіń sońyna deıіn nemese satyp alynǵan sapar sany tolyq paıdalanylǵanǵa deıіn jaramdy bolady.

Tarıftі qaıdan satyp alýǵa bolady?

Jol júrý bıletterіn jeńіl relstі kólіk stantsııalaryndaǵy kassalardan satyp alýǵa bolady. Olar Tarlan Astana kólіk kartasyna júkteledі.

Kartadaǵy qaldyq qarajatty stantsııa kassalarynan nemese termınaldar arqyly tekserýge bolady.

CTS joǵalǵan kólіk kartasyndaǵy belsendі tarıfter qalpyna keltіrіlmeıtіnіn jáne basqa kartaǵa kóshіrіlmeıtіnіn eskerttі.

Qazіrgі ýaqytta jańa tarıfter tek Tarlan Astana LRT júıesіnde ǵana qoldanylady. Sonymen qatar olardy qala avtobýstary júıesіmen bіrіktіrý jumystary júrgіzіlіp jatyr.