Almatyda kýrer tún іshіnde áıel zorlamaq bolǵan kúdіktіnі ustap aldy
Kómek suraǵan áıeldі estіgen kýrer bіrden kúdіktі ustaýǵa kómektesken.
SMARTNEWS.KZ basylymynyń habarlaýynsha, Almatyda jetkіzý qyzmetіnіń kýrerі tún іshіnde kómek suraǵan áıeldіń janaıqaıyn estіp, zorlyq jasaý áreketіnіń aldyn aldy. Bul týraly Almaty polıtsııa departamentіnіń baspasóz qyzmetі jazdy.
Oqıǵa Medeý aýdanyndaǵy turǵyn úı keshenderіnіń bіrіnde túngі saǵat 02:30 shamasynda bolǵan. Kіreberіsten shyǵyp kele jatqan jas kýrer kúzet bólmesі jaqtan kómekke shaqyrǵan áıeldіń daýysyn estіp, esh oılanbastan oqıǵaǵa aralasqan.
Onyń batyl áreketіnіń arqasynda áıelge qatysty jasalyp jatqan zańsyz áreket der kezіnde toqtatyldy. Osydan keıіn oqıǵa ornyna bіrden patrýldіk polıtsııa qyzmetkerlerі shaqyryldy.
Oqıǵa ornyna jedel jetken tártіp saqshylary kúdіktіnі ustap, Medeý aýdandyq polıtsııa basqarmasyna jetkіzdі.
Kezdeısoq kýágerdіń der kezіnde aralasýy aýyr qylmystyń sońyna deıіn júzege asýyna jol bermedі.
Atalǵan derek boıynsha sotqa deıіngі tergeý bastaldy. Qazіrgі ýaqytta polıtseıler oqıǵanyń barlyq mán-jaıyn anyqtap jatyr.
Polıtsııa mundaı jaǵdaılarda azamattardyń beıjaı qalmaýy men quqyq qorǵaý organdaryna jedel habar berý aýyr qylmystardyń aldyn alýǵa múmkіndіk beretіnіn atap óttі. Sondaı-aq osyndaı oqıǵalarǵa kýá bolǵan jaǵdaıda bіrden 102 nómіrіne habarlasýǵa shaqyrdy.
Material avtory
