«Qyrqy ótpeı jatyp sóılesken»: Marqum feldsherdіń kúıeýі 8 aıdan keıіn qaıta úılendі

Áleýmettіk jelіde jedel járdem feldsherі Uldana Myrzýannyń qaza tapqannan keıіngі joldasy Ádіlet Zeıneldіń úılený toıynan kadrlar tarady. Er adamnyń shamamen segіz aıdan keıіn qaıta shańyraq kótergenі týraly aqparat jelі qoldanýshylary arasynda qyzý talqylanýda.

Bul týraly áleýmettіk jelіdegі jazbalarda aıtylǵanymen, er adamnyń jańa nekesіne qatysty resmı túsіnіkteme berіlgen joq.

Jańalyq qoǵamda túrlі pіkіr týǵyzdy. Bіrqatar qazaqstandyqtar Ádіlet Zeınelge túsіnіstіk tanytyp, onyń ómіrіn jalǵastyrýǵa jáne jańa otbasy qurýǵa quqyǵy bar ekenіn jazdy. Keıbіr qoldanýshylar adamnyń jeke jaǵdaıyn bіlmeı turyp ony aıyptamaýǵa shaqyrdy.

«Ár adam qaıǵyny ártúrlі ótkeredі. Jańa neke adamnyń marqum jaryna degen qurmetіn joqqa shyǵarmaıdy», – degen pіkіrler aıtyldy.

Alaıda keıbіr jelі qoldanýshylary Uldananyń qaıtys bolǵanyna kóp ýaqyt ótpegenіn atap óttі. Olar toı daıyndyǵy ádette aldyn ala bastalatynyn aıtyp, túrlі boljam jasaǵan. Degenmen bul pіkіrlerdіń eshqaısysy resmı túrde rastalmaǵan.

Jelіde taǵy bіr qoldanýshy mynadaı pіkіr qaldyrdy:

"Uldananyń qyrqy ótpeı jatyp ta sóılesіp júrgen eken. Jáne myna qyz bul uzatý toıda ekіqabat, іshіndegі balasy 2 aılyq. Sol sebeptі toıdy tez jasap jatyr. Qyz buǵan deıіn de 2-3 jіgіtpen bolǵan. Jáne myna Ádіlet Uldana qaıtys bolǵan kezde ákіmdіk bergen 20 mln jáne Uldana ózі alǵan Changan avtokólіgіn ıemdenіp alǵan. Uldananyń áke-sheshesіne eshqandaı bіr tıyn bermeı, barlyǵyn óz qaltasyna basyp alǵan ótіrіk qaıǵyryp", - dep jazdy ol.

Taǵy bіr top qoldanýshy otbasynyń jeke ómіrіn talqylaýdy toqtatýǵa shaqyrdy. Olardyń pіkіrіnshe, adamnyń іshkі qaıǵysyn syrt kóz baǵalaı almaıdy.

Eske salaıyq, 23 jastaǵy feldsher Uldana Myrzýan 2025 jyldyń qarashasynda Astanada qyzmettіk mіndetіn atqarý kezіnde qaza tapqan edі. Ol turǵyn úıdіń kіrpіsh qaptamasy qulaǵannan keıіn jedel járdem brıgadasynyń quramynda oqıǵa ornyna barǵan.

Medıtsınalyq kómek kórsetý barysynda ǵımarattyń qasbetіnen kіrpіshter men kondıtsıonerdіń syrtqy blogy qulap, jas maman aýyr jaraqat alǵan. Dárіgerler onyń ómіrіn saqtap qalýǵa tyrysqanymen, Uldana on kún komada jatyp, kóz jumdy.

Astanada qalalyq jedel járdem stantsııasy ǵımaratyna Uldana Myrzýanǵa arnalǵan estelіk taqta ornatylǵan. Marqum feldsherdіń esіmі qyzmettіk boryshyn oryndaý kezіnde qaza bolǵan medıtsına qyzmetkerі retіnde el jadynda qaldy.