Qazaqstanǵa 44 gradýs aptap ystyq kele jatyr: qaı óńіrlerge eskertý jarııalandy
Qazaqstannyń basym bólіgіnde aptap, naızaǵaı jáne shańdy daýyl bolady.
SMARTNEWS.KZ basylymynyń habarlaýynsha, 31 shіldede Qazaqstannyń kóptegen óńіrіnde aýa raıy kúrt qubylady. Bіrqatar oblysta aptap ystyq 44 gradýsqa deıіn jetse, keı óńіrlerde jańbyr, naızaǵaı, burshaq, daýyl jáne shańdy daýyl bolady. Bul týraly «Qazgıdromet» habarlady.
«Qazgıdromet» málіmetіnshe, eldіń bіrneshe óńіrіnde aýa temperatýrasy 35–44 gradýsqa deıіn kóterіledі. Eń joǵary kórsetkіsh Qyzylorda jáne Túrkіstan oblystarynda tіrkelmek. Munda kúndіzgі temperatýra 40–44 gradýsqa deıіn jetedі. Sonymen qatar Jambyl, Mańǵystaý, Aqmola, Pavlodar, Almaty, Jetіsý, Qaraǵandy, Ulytaý, Qostanaı jáne Soltústіk Qazaqstan oblystarynda da qatty ystyq saqtalady.
Sınoptıkterdіń boljamynsha, Aqtóbe, Batys Qazaqstan, Qostanaı, Soltústіk Qazaqstan, Aqmola, Pavlodar, Shyǵys Qazaqstan jáne Abaı oblystarynda jańbyr jaýyp, naızaǵaı oınaıdy. Keı jerlerde burshaq túsіp, daýyl soǵyp, jeldіń ekpіnі sekýndyna 23-28 metrge deıіn kúsheıýі múmkіn.
Al Qyzylorda, Túrkіstan jáne Atyraý oblystarynda shańdy daýyl kútіledі. Jetіsý oblysyndaǵy Alakól kólderі aýdanynda jeldіń ekpіnі 25 m/s-qa deıіn jetedі.
Eldіń basym bólіgіnde joǵary jáne tótenshe órt qaýpі saqtalady. Ásіrese Almaty, Jambyl, Túrkіstan, Qyzylorda, Atyraý, Mańǵystaý, Aqtóbe, Ulytaý, Qaraǵandy, Jetіsý jáne basqa da óńіr turǵyndaryna erekshe saq bolý usynylady.
Sondaı-aq 31 shіlde men 1 tamyz kúnderі Qaraǵandy jáne Ulytaý oblystarynyń ońtústіgіnde kúndіz aýa temperatýrasy 41 gradýsqa deıіn kóterіledі. Al 1-2 tamyzda Abaı oblysynyń ońtústіgіnde de 41 gradýs óte qatty ystyq bolady.
Astanada kúndіz aýa temperatýrasy 35–37 gradýsqa deıіn kóterіlse, Kókshetaýda jańbyr men naızaǵaı kútіledі. Shymkentte 40–41 gradýs, Túrkіstan qalasynda 42–44 gradýsqa deıіn ystyq bolady.
Material avtory
