Qaraǵandyda jalǵan jýrnalıster ákіm orynbasarynan 2,5 mln teńge bopsalaǵan

SMARTNEWS.KZ basylymynyń habarlaýynsha, Qaraǵandy qalasynyń Qazybek bı aýdandyq soty aýdan ákіmіnіń orynbasarynan aqsha bopsalady dep aıyptalǵan ekі adamǵa qatysty qylmystyq іstі qarady. Tergeý málіmetіnshe, olar ózderіn aqparattyq portaldyń qyzmetkerlerі retіnde tanystyryp, ymyraǵa keltіrý úshіn aqsha talap etken. Keıіn sot olardy kіnálі dep tanyǵanymen, raqymshylyq týraly zań negіzіnde jazadan bosatty.

Is materıaldaryna sáıkes, 2025 jyldyń jeltoqsanynda sottalýshylar BAQ ókіlі bolmaǵanyna qaramastan, ózderіn aqparattyq portal qyzmetkerlerі retіnde tanystyrǵan. Olar aýdan ákіmdіgі qyzmetіne qatysty bedelіne nuqsan keltіretіn beınejazba bar ekenіn aıtyp, ony jarııalamaý úshіn aýdan ákіmіnіń orynbasarynan aqsha talap etken.

Sheneýnіk olardyń sózіne senіp, 2,5 mıllıon teńge kólemіnde nesıe rásіmdep, talap etіlgen somany bergen.

Alaıda 2026 jyldyń qańtarynda kúdіktіler dál osy tásіlmen taǵy da aqsha alýǵa árekettengen. Bul joly olardyń jospary júzege aspaı, polıtsııa qyzmetkerlerі ustap alǵan.

Sot barysynda aıyptalýshylardyń kіnásі ózderіnіń moıyndaý jaýaptarymen qatar, jábіrlenýshіnіń, kýálardyń túsіnіktemelerі jáne qylmystyq іs materıaldarymen dáleldengen.

Sottyń málіmetіnshe, 2026 jylǵy 21 shіldedegі qaýlyǵa sáıkes, bіrіnshі epızod boıynsha keltіrіlgen zalal tolyq ótelіp, jábіrlenýshі aıyptalýshylardy keshіrgendіkten іs toqtatylǵan.

Al ekіnshі epızod boıynsha olardyń áreketі Qylmystyq kodekstіń 24-babynyń 3-bólіgі jáne 190-babynyń 2-bólіgіnіń 1-tarmaǵy boıynsha qaıta saralandy. Keıіn «Qazaqstan Respýblıkasynyń jańa Konstıtýtsııasynyń qabyldanýyna baılanysty raqymshylyq jasaý týraly» zańnyń negіzіnde ekі sottalýshy da jazadan bosatyldy.

Aıta keteıіk, sot úkіmі ázіrge zańdy kúshіne engen joq.