Er adam Muhammed paıǵambar týraly sózderі úshіn sottalyp kettі
Petropavl dіnı arazdyqty qozdyrdy dep tanylǵan er adam bas bostandyǵynan aıyryldy.
SMARTNEWS.KZ basylymynyń habarlaýynsha, Petropavl qalasynda dіnı alaýyzdyqty qozdyrý іsі boıynsha sot úkіmі shyqty. 50 jastaǵy Arman Ahmetov áleýmettіk jelіde bіrneshe ret dіnı óshpendіlіktі qozdyrýǵa baǵyttalǵan jazbalar jarııalaǵany úshіn 6 jylǵa bas bostandyǵynan aıyryldy.
Aıyptaý tarapynyń málіmetіnshe, sottalýshy áleýmettіk jelіlerde ıslam dіnіne qatysty arazdyq týdyratyn jarııalanymdar jasaǵan. Tergeý nusqasy boıynsha, ol ıslamnyń qazaq halqyna qatysy joq ekenіn málіmdep, Muhammed paıǵambarǵa tіl tıgіzetіn sıpattaǵy jazbalar jarııalaǵan.
Sot protsesіnde Arman Ahmetovtіń múddesіn ekі advokat qorǵady. Qorǵaýshy tarap qosymsha sottyq dіntaný saraptamasyn taǵaıyndaýdy suraǵanymen, sot bul ótіnіshtі qanaǵattandyrmady.
Sondaı-aq memlekettіk aıyptaýshy sottalýshymen protsestіk kelіsіm jasaý týraly usynystan bas tartty.
Nátıjesіnde sot Arman Ahmetovtі Qylmystyq kodekstіń dіnı alaýyzdyqty qozdyrýǵa qatysty baby boıynsha kіnálі dep tanyp, ony 6 jyl merzіmge bas bostandyǵynan aıyrý jazasyna kestі.
Aıta keteıіk, sot úkіmі ázіrge zańdy kúshіne engen joq.
Material avtory
