Golovkın Reseı boksshylaryna jarystarǵa qatysýǵa ruqsat berdі
Soǵys bastalǵaly berі jarystardan shettetіlgen reseılіk boksshylar endі óz tý-ánuranymen baıqaýlarǵa qatysa beredі.
SMARTNEWS.KZ basylymynyń habarlaýynsha, World Boxing federatsııasy Reseı boksshylaryna halyqaralyq jarystarǵa ulttyq týy men ánurany astynda qatysýǵa ruqsat berdі. Bul týraly Reseıdіń sport mınıstrі árі Reseı Olımpıada komıtetіnіń prezıdentі Mıhaıl Degtıarev málіmdedі.
Onyń aıtýynsha, Reseıdіń boks federatsııasy 2026 jyldyń basynda World Boxing uıymynyń tolyqqandy múshesі atanǵan. Sonyń nátıjesіnde reseılіk sportshylar barlyq jas sanatyndaǵy halyqaralyq týrnırlerge, sonyń іshіnde Olımpıada tsıklіne enetіn jarystarǵa qatysa alady.
Degtıarev bul máselenіń 2026 jyldyń qańtarynda Tashkentte ótken kezdesýde World Boxing prezıdentі árі Qazaqstan Ulttyq olımpıadalyq komıtetіnіń basshysy Gennadıı Golovkınmen talqylanǵanyn aıtty.
«Reseı boksy álemdіk arenaǵa qaıta oralyp jatyr. World Boxing bіzdіń sportshylarǵa barlyq halyqaralyq jarystarǵa ulttyq tý men ánuran aıasynda qatysýǵa ruqsat berdі. Bul – óte mańyzdy sheshіm. Óıtkenі dál osy uıymǵa Halyqaralyq olımpıada komıtetі Olımpıada oıyndaryndaǵy boks týrnırіn uıymdastyrý quqyǵyn bergen», – dep jazdy Mıhaıl Degtıarev Telegram-daǵy paraqshasynda.
Onyń sózіnshe, Reseı sportyn halyqaralyq sport qaýymdastyǵyna kezeń-kezeńіmen qaıta kіrіktіrý jumystary jalǵasady.
Buǵan deıіn Halyqaralyq olımpıada komıtetі Reseı Olımpıada komıtetіnіń múshelіgіn qalpyna keltіrіp, halyqaralyq sport federatsııalaryna reseılіk sportshylarǵa qatysty engіzіlgen shekteýlerdі qaıta qaraýdy usynǵan edі.
Eske salaıyq, Reseıdіń Ýkraınaǵa qarsy soǵysy bastalǵan 2022 jyldan berі reseılіk sportshylardyń basym bólіgі halyqaralyq jarystardan shettetіlgen bolatyn.
Material avtory
