Taılandta joǵalǵan ápkelі-іnіlіnіń máıіtі tabyldy: Kúdіktіler qylmysty moıyndady

SMARTNEWS.KZ basylymynyń habarlaýynsha, Taılandta іz-túzsіz joǵalǵan Reseı azamattary – 22 jastaǵy Dıana men 17 jastaǵy Romannyń qaza tapqany belgіlі boldy. Qylmysqa kúdіktі retіnde ustalǵandar tergeý barysynda olardy óltіrgenіn moıyndap, máıіtter jasyrylǵan oryndy kórsetken.

Jergіlіktі aqparat quraldarynyń málіmetіnshe, Taıland polıtsııasy jastardy urlady degen kúdіkpen qylmystyq toptyń jetekshіlerі dep esepteletіn bіrneshe adamdy ustaǵan. Baza Telegram-arnasynyń habarlaýynsha, jaýap alý kezіnde kúdіktіler 17 jastaǵy Romandy atyp óltіrgenderіn, al onyń ápkesі Dıanany óltіrіp ketkenderіn moıyndaǵan.

Olar sondaı-aq qaza bolǵandardyń máıіtterі jasyrylǵan jerdі kórsetken. Qazіr oqıǵa ornyna tergeýshіler men krımınalıster baryp, qajettі saraptamalyq jumystardy júrgіzіp jatyr.

Tergeýdіń aldyn ala boljamy boıynsha, qylmystyń negіzgі sebebі – aǵaıyndynyń mototsıklіn ıemdený bolǵan. Keıіn bólshektelgen mototsıkl kúdіktіlerdіń bіrіnіń úıіnіń mańynan jerge kómіlgen kúıde tabylǵan. Dál osy aıǵaq polıtsııanyń kúdіktіlerdіń іzіne túsýіne múmkіndіk bergen.

Eske salaıyq, Dıana men Roman 25 shіldeden 26 shіldege qaraǵan túnі Pattaııada skýtermen úıden shyǵyp ketkennen keıіn baılanysqa shyqpaı qalǵan. Anasynyń aıtýynsha, qyzy joǵalar aldynda ózіn bіreýler ańdyp júrgendeı sezіnetіnіn aıtqan.

Bіrneshe kúnnen keıіn polıtsııa olardyń skýterіn jerge kómіlgen kúıde tapqanymen, jastardyń ózіnen eshqandaı іz bolmaǵan edі.

Qazіrgі ýaqytta tergeý jalǵasyp jatyr. Máıіtter tabylǵan jerdі qaraý qorytyndylary men quqyq qorǵaý organdarynyń resmı tujyrymy ázіrge jarııalanǵan joq.