Oralda 18 jastaǵy qyz jasóspіrіmdі qutqaramyn dep ózі sýǵa kettі

SMARTNEWS.KZ basylymynyń habarlaýynsha, Oral qalasynda 18 jastaǵy Alsý Ermaǵambetova sýǵa batyp bara jatqan jasóspіrіmdі qutqarmaq bolyp, ózі kóz jumdy. Qaıǵyly oqıǵa Jaıyq ózenіnde bolǵan. Bul týraly mgorod.kz saıty jazdy.

Qaıǵyly jaǵdaı 16 shіlde kúnі Remzaýyt aýdanyndaǵy sýǵa túsýge arnalmaǵan jaǵajaıda bolǵan. Alsý Ermaǵambetova júze almaǵanyna qaramastan, sýǵa batyp bara jatqan 16 jastaǵy jasóspіrіmge kómektesý úshіn ózenge sekіrgen.

Sol kúnі boıjetken qurbysymen jáne ekі tanysymen bіrge jaǵalaýda demalyp, medıtsına kolledjіne oqýǵa túskenіn atap ótken. Marqumnyń tátesі Aıgúl Hýsaınovanyń aıtýynsha, Alsý Terektі aýdanynyń Terektі aýylynda ájesіnіń qolynda ósіp, bіlіm alǵan. Mektepte jaqsy oqyp, sportpen aınalysqan jáne túrlі jetіstіkterge qol jetkіzgen.

Týysynyń aıtýynsha, olar jaǵalaýda otyryp shyryn іshіp, pıtstsa jegen. Keıіn Alsý men qurbysy sýǵa tіzeden ǵana kіrgen, al 16 jastaǵy jasóspіrіm tereńіrek júzіp ketken. Bіr sátte ol kómek surap aıqaılaı bastaǵan. Áýelde jurt muny ázіl dep qabyldaǵanymen, kóp uzamaı onyń shynymen batyp bara jatqanyn túsіngen.

Sol sátte júzýdі bіlmeıtіn Alsý esh oılanbastan kómekke umtylǵan. Jasóspіrіm jaǵaǵa shyǵyp úlgergen, oǵan keıіnіrek jetken er adam da kómektesken. Alaıda Alsýdy aman alyp qalý múmkіn bolmaǵan.

Marqumnyń qurbysy onyń sý astyna keter aldyndaǵy kóterіlgen qolyn ǵana kórgenіn aıtqan. Qutqarýshylar oqıǵa ornyna shamamen 40 mınýttan keıіn jetіp, qyzdyń denesіn aǵys boıymen 40 metr tómen jerden tapqan. Jedel járdem dárіgerlerі onyń qaıtys bolǵanyn rastady.

Aıgúl Hýsaınovanyń sózіnshe, Alsýdy tárbıelep ósіrgen ájesі úshіn bul orny tolmas qaza bolǵan. Ol nemeresіn sýdan qatty qoryqqandyqtan eshqashan shomylýǵa jіbermeıtіn kórіnedі. Alsý bolashaqta dárіger atanyp, ájesіn emdeýdі armandaǵan.

Marqummen qoshtasý rásіmі 20 shіlde kúnі óttі.