TikTok-ta boqtyq sóz aıtqan taldyqorǵandyq áıel qaıtadan jazalandy
Sot áıeldі kіnálі dep tanyp, ákіmshіlіk jaza qoldaný týraly sheshіm shyǵardy.
SMARTNEWS.KZ basylymynyń habarlaýynsha, Taldyqorǵan turǵyny TikTok-taǵy tіkeleı efır kezіnde beıádep sózder qoldanǵany úshіn qaıtadan ákіmshіlіk jaýapkershіlіkke tartyldy.
Qazaqstan Ishkі іster mınıstrlіgіnіń málіmetіnshe, polıtsııa ınternet keńіstіgіne turaqty túrde monıtorıng júrgіzіp, zań buzýshylyqtardy anyqtap otyrady. Osyndaı tekserýlerdіń bіrіnde TikTok-ta tіkeleı efır júrgіzіp otyrǵan áıeldіń bylapyt sózder aıtyp otyrǵany tіrkelgen.
Tártіp buzýshy 44 jastaǵy Taldyqorǵan turǵyny Gúlmıra Qasenova bolyp shyqty.
Tekserý barysynda onyń buǵan deıіn de dál osyndaı quqyq buzýshylyq úshіn ákіmshіlіk jaýapkershіlіkke tartylǵany anyqtalǵan. Soǵan qaramastan, áıel taǵy da tіkeleı efırge shyǵyp, zań talaptaryn buzǵan.
Polıtseıler jınalǵan materıaldardy sotqa joldaǵan. Sot áıeldі kіnálі dep tanyp, oǵan ákіmshіlіk aıyppul saldy.
IIM ınternet keńіstіgіndegі quqyq buzýshylyqtardy anyqtaý jáne olardyń jolyn kesý jumystary turaqty túrde jalǵasatynyn atap óttі.
«Zań talaptaryn buzatyn azamattarǵa qatysty qoldanystaǵy zańnamaǵa sáıkes tıіstі sharalar qabyldanady», – delіngen vedomstvo habarlamasynda.
Eske salaıyq, buǵan deıіn de Qazaqstanda TikTok pen basqa da platformalarda tіkeleı efır kezіnde beıádep sóz aıtyp, qoǵamdyq tártіptі buzǵan strımerler jaýapkershіlіkke tartylǵan bolatyn.
Material avtory
