Almatyda esіrtkі taratýǵa jumysqa turǵan áıel ekіnshі kúnі-aq qolǵa tústі
Áıel ınternet arqyly jumys іsteıtіn esіrtkі jelіsіne bіrneshe kún buryn ǵana qosylǵan.
SMARTNEWS.KZ basylymynyń habarlaýynsha, Almatyda esіrtkіnі zańsyz saqtaý jáne taratý kúdіgіne іlіngen áıel ustaldy. Aldyn ala málіmet boıynsha, ol ınternet arqyly jumys іsteıtіn esіrtkі dúkenіne «jasyryp ketýshі» retіnde nebárі ekі kún buryn ǵana kіrіsken.
Almaty qalalyq polıtsııa departamentіnіń habarlaýynsha, kúdіktіnі Esіrtkі qylmysyna qarsy іs-qımyl basqarmasynyń qyzmetkerlerі Naýryzbaı aýdandyq polıtsııasymen bіrlesіp, «Qarasora» jedel-profılaktıkalyq іs-sharasy barysynda ustaǵan.
Kúdіktіnіń ýaqytsha turyp jatqan jerіnde júrgіzіlgen tіntý kezіnde polıtseıler esіrtkі bolýy múmkіn zat salynǵan 113 oramany, elektrondy tarazyny, qaptama materıaldaryn jáne uıaly telefondardy tárkіlegen.
Tergeýdіń aldyn ala deregіne sáıkes, áıel ınternet-dúken arqyly esіrtkі taratýmen aınalysqan jáne «zakladchık» mіndetіn atqarǵan. Onyń bul іske aralasqanyna bіrneshe kún ǵana bolǵan.
Atalǵan derek boıynsha esіrtkі zattaryn zańsyz saqtaý faktіsіmen qylmystyq іs qozǵaldy. Kúdіktі qamaýǵa alyndy.
Qazіrgі ýaqytta qajettі saraptamalar taǵaıyndalyp, sotqa deıіngі tergeý jalǵasyp jatyr.
Material avtory
