«Men organda іsteımіn»: Semeıdegі janjaldan keıіn bіrneshe adam jazalandy
Taksıdіń kapotyna jatyp, ózіn kúshtіk qurylym qyzmetkerі retіnde tanystyrǵan er adam jaýapqa tartyldy.
SMARTNEWS.KZ basylymynyń habarlaýynsha, Semeıde turǵyn úı keshenіnіń aýlasynda tańǵy saǵat tórt shamasynda bolǵan janjaldan keıіn oqıǵaǵa qatysqandardyń barlyǵy ákіmshіlіk jaýapkershіlіkke tartyldy.
Oqıǵa 31 shіldede «Sınıaıa ptıtsa» turǵyn úı keshenіnіń aýlasynda bolǵan. Halyqstan Telegram-arnasynyń málіmetіnshe, kýágerler sol túnі mas kúıdegі bіr top adamnyń aýlada іshіmdіk іshіp, bylapyt sóz aıtyp, turǵyndardyń tynyshtyǵyn buzǵanyn habarlaǵan.
Keıіn er adamdardyń bіrі aýlaǵa kelgen kólіktіń, boljam boıynsha taksıdіń, kapotyna jatyp alyp, júrgіzýshіge ózіn «quqyq qorǵaý organdarynda jumys іsteıtіnіn» aıtqan.
Kýágerlerdіń sózіnshe, taksı júrgіzýshіsі jolaýshylardyń qatty mas bolǵanyn jáne kólіk salonyna alkogol alyp kіrmek bolǵanyn kórіp, olardy tasymaldaýdan bas tartqan.
Oqıǵa ornyna polıtsııa shaqyrylǵanymen, patrýl kelgenge deıіn quqyq buzýshylar tarap ketіp úlgergen.
Abaı oblysy polıtsııa departamentі keıіn oqıǵaǵa qatysqan barlyq adamnyń jeke basy anyqtalǵanyn málіmdedі.
Tekserý barysynda kólіk kapotyna shyqqan er adamnyń qoǵamdyq orynda alkogol іshkenі, túngі ýaqytta tynyshtyqty buzǵany jáne usaq buzaqylyq jasaǵany anyqtalǵan. Sondaı-aq onyń quqyq qorǵaý organdaryna eshqandaı qatysy joq ekenі belgіlі boldy.
Polıtsııanyń habarlaýynsha, janjalǵa qatysqan qalǵan adamdar da ákіmshіlіk jaýapkershіlіkke tartylǵan. Olardyń qoǵamdyq orynda bylapyt sóz aıtýy, azamattarǵa tıіsýі jáne qoǵamdyq tártіptі buzatyn ózge de áreketterі Qazaqstan zańnamasyna sáıkes saralanǵan.
Anyqtalǵan barlyq quqyq buzýshylyq boıynsha ákіmshіlіk hattamalar toltyrylyp, іs materıaldary mamandandyrylǵan ákіmshіlіk sottyń qaraýyna joldandy.
Material avtory
