Qyrǵyzstanda Ózbekstanǵa shyǵatyn qupııa týnnel anyqtaldy
Qaraýsyz qalǵan úıdіń astynan Ózbekstanǵa shyǵatyn jasyryn jol tabyldy.
SMARTNEWS.KZ basylymynyń habarlaýynsha, Qyrǵyzstannyń Batken oblysynda quqyq qorǵaý organdary Ózbekstan shekarasy baǵytyna qaraı qazylǵan jasyryn jerasty týnnelіn anyqtady. Aldyn ala boljam boıynsha, ol memlekettіk shekara arqyly taýarlardy zańsyz tasymaldaý úshіn paıdalanylǵan bolýy múmkіn.
Batken oblystyq іshkі іster basqarmasynyń málіmetіnshe, ekstremızm men zańsyz kóshі-qonǵa qarsy kúres qyzmetіnіń mamandary shekara mańynda jerasty ótkelі salynyp jatqany týraly aqparat alǵan.
Tekserý barysynda Qadamjaı aýdanyndaǵy Chechelık aýylynda ornalasqan qaraýsyz qalǵan úıden Ózbekstan aýmaǵyna qaraı baǵyttalǵan týnnel tabylǵan.
Aldyn ala málіmet boıynsha, jerasty qurylysynyń tereńdіgі shamamen 12 metrdі, al enі 1,5 metrdі quraıdy.
Qazіr oqıǵa boıynsha sotqa deıіngі tekserý júrgіzіlіp jatyr. Tergeýshіler týnneldіń qandaı maqsatta salynǵanyn, ony kіmderdіń qazǵanyn jáne paıdalanǵanyn anyqtap jatyr.
Quqyq qorǵaý organdarynyń aldyn ala boljamynsha, jerasty ótkelі memlekettіk shekara arqyly túrlі taýarlardy zańsyz ótkіzýdіń arnasy retіnde qoldanylǵan bolýy múmkіn.
Material avtory
