Robot-ıt pen maskottar: Astanada esіrtkіge qarsy erekshe aktsııa uıymdastyryldy
Polıtsııa, memlekettіk organdar jáne erіktіler bіrlesіp jastardy salaýatty ómіr saltyn ustanýǵa shaqyrdy.
SMARTNEWS.KZ basylymynyń habarlaýynsha, Astanada «Zań men tártіp» qaǵıdatyn júzege asyrý aıasynda turǵyndardy esіrtkіnіń zııany týraly aqparattandyrýǵa baǵyttalǵan aýqymdy profılaktıkalyq aktsııa uıymdastyryldy. Bul týraly Astana qalasy polıtsııa departamentіnіń baspasóz qyzmetі jazdy.
Is-sharany polıtsııa qyzmetkerlerі Astana qalasynyń Ishkі saıasat basqarmasy, Bіlіm basqarmasy, Esіl aýdany ákіmdіgі jáne «Astana Jastary» jastar resýrstyq ortalyǵynyń erіktіlerіmen bіrlesіp ótkіzdі.
Aktsııa barysynda turǵyndardy salaýatty ómіr saltyna baýlý maqsatynda arqan tartý, sekіrtpemen sekіrý jáne kіr tasyn kóterý sııaqty ulttyq árі sporttyq jarystar uıymdastyryldy. Jeńіmpazdar men belsendі qatysýshylarǵa estelіk syılyqtar tabystaldy.
Sonymen qatar turǵyndar arasynda esіrtkіnіń aldyn alý taqyrybynda saýalnama júrgіzіlіp, zııandy ádetterdіń saldary men zań aldyndaǵy jaýapkershіlіk týraly málіmetter qamtylǵan aqparattyq jadynamalar taratyldy. Sondaı-aq shara aıasynda «Jasyl jelken» qoǵamdyq qory turǵyndarǵa tegіn quqyqtyq konsýltatsııa berdі.
Aktsııanyń erekshe sátterіnіń bіrі – polıtsııanyń robot-ıtіnіń múmkіndіkterіn kópshіlіkke tanystyrý boldy. Sondaı-aq balalar men jastardyń qyzyǵýshylyǵyn arttyrǵan Tazabek pen Tártіpbek maskottary profılaktıkalyq jumysty tartymdy formatta nasıhattaýǵa atsalysty.
Uıymdastyrýshylardyń aıtýynsha, mundaı іs-sharalardyń basty maqsaty – turǵyndardyń quqyqtyq mádenıetіn kóterý, jastar arasynda salaýatty ómіr saltyn keńіnen nasıhattaý jáne esіrtkіge qarsy qoǵamdyq ımmýnıtet qalyptastyrý.
