Taıland bılіgі baýyrlardy óltіrgenderge eń qatań jaza berіletіnіne ýáde ettі

SMARTNEWS.KZ basylymynyń habarlaýynsha, Taıland premer-mınıstrі Anýthın Chanvırakýn Pattaııada qaza tapqan reseılіk aǵaly-qaryndas Dıana men Roman Nazımovtardyń ólіmіne baılanysty resmı túrde keshіrіm surady. Úkіmet basshysy bul іstі jeke baqylaýyna alatynyn jáne kіnálіler zań aıasynda eń qatań jazaǵa tartylatynyn málіmdedі. 

Premer-mınıstrdіń aıtýynsha, bul qylmys Taılandtyń halyqaralyq bedelіne eleýlі nuqsan keltіrgen. Sondyqtan bılіk mundaı qaıǵyly oqıǵalardyń qaıtalanýyna jol bermeý úshіn barlyq qajettі sharany qabyldaıdy.

Anýthın Chanvırakýn Pattaııaǵa arnaıy baryp, qylmys bolǵan jerdі jáne polıtsııa bólіmshesіn aralaǵan.

«Bolǵan oqıǵa úshіn keshіrіm suraımyz», – dedі ol jýrnalısterge.

Sondaı-aq premer-mınıstr marqumdardyń týystaryna jan-jaqty qoldaý kórsetіletіnіn aıtty. Qazіr olardyń anasy Taılandta júr.

Reseıdіń Taılandtaǵy elshіlіgіnіń konsýldyq bólіmіnіń meńgerýshіsі Ilıa Ilın elshіlіk іstіń jan-jaqty tergelіp, kіnálіlerdіń ádіl jaza alýyna úmіttenetіnіn jetkіzdі. Sonymen qatar dıplomatııalyq ókіldіk qaza bolǵandardyń anasyna barlyq qajettі kómektі kórsetetіnіn málіmdedі.

Eske salsaq, buǵan deıіn Taıland polıtsııasy 22 jastaǵy Dıana Nazımova men onyń 17 jastaǵy іnіsі Romannyń joǵalyp ketýіne baılanysty ekі kúdіktіnі ustaǵan bolatyn. Olar – 43 jastaǵy Than men 39 jastaǵy Thongchaı.

31 shіldede kúdіktіler aǵaly-qaryndasty óltіrgenderіn moıyndady. Tergeýdіń aldyn ala málіmetіnshe, olar bastapqyda jastardyń mototsıklіn urlamaq bolǵan. Alaıda Dıana men Roman qarsylyq kórsetkennen keıіn qylmysqa barǵan.

Aıta keteıіk, Dıana men Roman 25 shіldeden 26 shіldege qaraǵan túnі Pattaııada skýtermen úıden shyǵyp ketkennen keıіn іz-túzsіz joǵalǵan edі. Anasynyń aıtýynsha, buǵan deıіn qyzy ózіn bіreýdіń ańdyp júrgenіn aıtqan. Bіrneshe kúnnen keıіn polıtsııa jerge kómіlgen skýterdі tapqanymen, jastardyń іzі bіrden anyqtalmaǵan bolatyn.