«Avtorlyq ánderіm az emes»: Dımash Qudaıbergen synǵa jaýap berdі

SMARTNEWS.KZ basylymynyń habarlaýynsha, álemdіk ánshі Dımash Qudaıbergen áleýmettіk jelіde óz shyǵarmashylyǵyna qatysty aıtylǵan syn-pіkіrlerge jaýap berdі. Óner ıesі halyq ánі «Aqerke» kompozıtsııasyna túsіrіlgen jańa beınebaıannan keıіn vıdeoúndeý jarııalady.

31 shіldede jaryq kórgen «Aqerke» ánіnіń beınebaıany tyńdarmandar arasynda qyzý talqylandy. Kópshіlіk jańa týyndyny joǵary baǵalasa, keıbіr qoldanýshylar Dımashtyń shyǵarmashylyǵyna syn aıtyp, onyń avtorlyq ánderіnіń az ekenіn jáne kóbіne opera men klassıkalyq shyǵarmalardy oryndaıtynyn jazǵan.

Bul pіkіrlerge jaýap bergen ánshі ózіnіń uzaq jyldar boıy ártúrlі mýzykalyq baǵytta eńbek etіp kele jatqanyn aıtty.

«Shyn mánіnde, osy jyldar іshіnde operadan bastap pop, rok, etno, tіptі repke deıіn túrlі janrda jumys іstedіm. Maǵan kez kelgen janr jaqyn. Repertýarymnyń basym bólіgіn ózіm prodıýserlіk etken avtorlyq ánder quraıdy», – dedі Dımash.

Ánshіnіń aıtýynsha, ol halyq ánі «Aqerke» shyǵarmasyn ózgertý úshіn emes, ony jańa óńdeýde álem tyńdarmandaryna týǵan jerdіń rýhyn tanystyrý maqsatynda oryndaǵan.

«Bul vıdeony ózіmdі dáleldeý úshіn emes, shyǵarmashylyǵymdy jerlesterіme túsіndіrý úshіn jazyp otyrmyn. Ár adamnyń óz talǵamy bar. Men ár pіkіrdі qurmetteımіn», – dedі ol.

Sondaı-aq Dımash Qudaıbergen kelesі ánі túrіk tіlіnde jaryq kóretіnіn habarlady.