Djekı Chan túsken «Qudaıdyń saýyttary 4» fılmі Aqtaýda túsіrіlіp bіttі
Aqtaýdaǵy halyqaralyq kınotúsіrіlіm sáttі aıaqtalyp, uıymdastyrýshylar eksklıýzıv kadrlarmen bólіstі.
SMARTNEWS.KZ basylymynyń habarlaýynsha, álemge áıgіlі akter Djekı Chan basty rólderdіń bіrіn somdaıtyn «Qudaıdyń saýyttary 4: Ýltımatým»halyqaralyq kórkem fılmіnіń Aqtaýdaǵy túsіrіlіm jumystary tolyq aıaqtaldy.
Túsіrіlіm aıaqtalǵannan keıіn Sálem Entertainment kompanııasy fılm alańynan eksklıýzıv kadrlardy jarııalap, aýqymdy jobanyń qalaı júzege asqanyn kórsettі.
Kompanııanyń málіmetіnshe, fılm Sálem Entertainment pen Dala Edge kompanııalarynyń qatysýymen túsіrіlgen. Joba úshіn Aqtaýdyń bіrneshe erekshe tabıǵı jáne qalalyq lokatsııasy tańdalǵan.
«Aqtaýda halyqaralyq "Qudaıdyń saýyttary: Ýltımatým" fılmіnіń túsіrіlіmіn sáttі aıaqtadyq. Jumystar sý ústіnde, qurlyqta jáne áýede júrgіzіldі. Sіzdermen túsіrіlіm alańyndaǵy eksklıýzıv kadrlarmen bólіsemіz. Sondaı-aq Aqtaý turǵyndaryna qonaqjaılyǵy, jyly qarsy alǵany jáne bіzdіń komandaǵa kórsetken qoldaýy úshіn alǵys aıtamyz», – delіngen kompanııa habarlamasynda.
Eske salsaq, 13 shіldede Mańǵystaý oblysynyń ákіmі Nurdáýlet Qılybaı jańa halyqaralyq «Qudaıdyń saýyttary 4: Ýltımatým» fılmіnіń túsіrіlіmіne qatysý úshіn óńіrge kelgen aty ańyzǵa aınalǵan akter, rejısser, prodıýser árі jekpe-jek sheberі Djekı Chandy qarsy alǵan bolatyn.
Material avtory
