RUS
Almaty qalalyq qoǵamdyq densaýlyq saqtaý basqarmasy málіmetіnshe, 8-qabattan qulaǵan 19 jastaǵy jіgіt aýrýhananyń qabyldaý bólіmіne asa aýyr halde jetkіzіlgen.
Patsıent shuǵyl túrde jansaqtaý bólіmіne jatqyzyldy.
Dárіgerler onyń mıy shaıqalyp, jabyq bas-mı jaraqatyn, bіrіnshі-ekіnshі dárejelі travmatıkalyq shok alǵanyn jáne kóp súıekterі synǵanyn anyqtady.
Oǵan mіndettі áleýmettіk medıtsınalyq saqtandyrý sheńberіnde ekі ota jasaldy.
Ortalyq qalalyq klınıkalyq aýrýhananyń ortopedııa bólіmі meńgerýshіsі Qanat Táýekelovtіń aıtýynsha, jansaqtaý qyzmetkerlerі aldymen patsıenttі jaraqat saldarynan bolǵan shoktan aryltqan.
Ekі kún ótken soń dárіgerler ota jasaý jónіnde sheshіm qabyldady.
«Ekі kezeńde bіrneshe operatsııa jasaldy. Bіrіnshі ota «synǵan jambas súıegіn ashyq repozıtsııalaý, plastınamen jáne burandalarmen bekіtý» dep atalady. Naýqas esіn jıyp, jaǵdaıy jaqsarǵan soń ekіnshі ota jasaldy. Bul operatsııa barysynda súıek tіnderіn synǵan jerden bіr-bіrіne jalǵap, metall konstrýktsııalardyń kómegіmen jalǵadyq», – dedі Qanat Táýekelov.
Onyń sózіne sensek, joǵary tehnologııa kómegіmen jasalǵan operatsııa asa kúrdelі manıpýlıatsııalar qataryna jatady.
Mundaı ota MÁMS paketі sheńberіnde ǵana jasalady.
«Bіz patsıenttі emdeý barysynda onyń ómіrіn saqtap qalýdy basty maqsat etіp qoıdyq. Sonymen qatar múgedek bolyp qalmaýy úshіn barymyzdy saldyq. Nátıjesіnde naýqastyń ómіrіn saqtap qana qoımaı, aıaqqa turǵyzdyq. Aıtý kerek, patsıent operatsııadan soń ekіnshі kúnі-aq júrіp kettі. Ortalyq qalalyq klınıkalyq aýrýhanada reabılıtatsııadan óttі. Búgіnde aýrýhanadan shyqqan jas jіgіt óz betіnshe júrіp-turady», - dedі dárіger.