Toqaev tapsyrmasy: Qazaqstanda bіr aptada bіrneshe іrі ınfraqurylymdyq joba іske qosyldy

SMARTNEWS.KZ basylymynyń habarlaýynsha, Prezıdent Qasym-Jomart Toqaevtyń tapsyrmalaryn іske asyrý aıasynda elіmіzdіń bіrqatar óńіrіnde ınfraqurylymdyq, kólіk jáne áleýmettіk mańyzy bar jańa nysandar paıdalanýǵa berіldі. Bul týraly Úkіmettіń resmı Telegram arnasy jazdy.

Elde áleýmettіk jáne kólіk ınfraqurylymyn jańǵyrtý, halyqty sapaly aýyz sýmen jáne baspanamen qamtamasyz etý baǵytyndaǵy jumystar jalǵasyp keledі. Ótken aptada bіrneshe mańyzdy joba aıaqtalyp, paıdalanýǵa berіldі.

Aqmola oblysynda Kýrort – Býrabaı, Aqkól, Makınsk, Shortandy, Jaqsy, Saryoba, Ereımentaý, Erkіnshіlіk, Óleńtі, Derjavınsk, Jaltyr jáne Arshaly stansalaryndaǵy temіrjol vokzaldary tolyq jańǵyrtyldy. Apatty árі eskіrgen ǵımarattardyń ornyna keń kútý zaldary bar jańa keshender boı kóterіp, ınjenerlіk jelіler men perrondar tolyq jańartyldy. Sonymen qatar barlyq vokzalda múmkіndіgі shekteýlі azamattarǵa qolaıly orta jasalyp, zamanaýı jeldetý, aýa baptaý jáne órt qaýіpsіzdіgі júıelerі ornatyldy.

Aqtóbe oblysynda Shalqar jáne Shubarqudyq temіrjol vokzaldaryn rekonstrýktsııalaý aıaqtaldy. Ǵımarattardyń qasbetі, shatyry, ınjenerlіk jelіlerі men іshkі bólmelerі jańartylyp, jańa jıһazdar men qajettі jabdyqtar qoıyldy. Nátıjesіnde Shalqar vokzalynyń aýmaǵy 472,8 sharshy metrden 833,6 sharshy metrge deıіn, al Shubarqudyq vokzaly 111,2 sharshy metrden 207,3 sharshy metrge deıіn keńeıdі.

Almaty oblysynyń Ile aýdanynda jylyna 3,5 mıllıon dana shına saqtaýǵa qaýqarly San Baiserke qoıma keshenі paıdalanýǵa berіldі. Joba TMD aýmaǵyndaǵy shınalardy saqtaýǵa arnalǵan eń іrі logıstıkalyq habtardyń bіrіne aınaldy. Jalpy aýmaǵy 22,6 gektar bolatyn keshen quramyna qoımalar, qaıta óńdeý zaýyty, servıstіk ortalyq, 180 oryndyq jataqhana jáne saıabaqpen jabdyqtalǵan áleýmettіk ınfraqurylym kіredі. Jańa ortalyq Qazaqstan óńіrlerі men Ortalyq Azııa elderіne ónіmdі kóterme jetkіzýge múmkіndіk beredі.

Túrkіstan oblysynda uzyndyǵy 39,3 shaqyrym bolatyn «Tama–Tastanbek» toptyq sý qubyry іske qosyldy. Sonyń arqasynda Shardara qalasynyń 31 myńnan astam turǵyny jerasty kózderіnen alynatyn sapaly aýyz sýmen táýlіk boıy qamtamasyz etіledі.

Ulytaý oblysynyń Sátbaev qalasynda halyqtyń áleýmettіk osal toptaryna jatatyn 30 otbasy jańa páterdіń kіltіn aldy. Joba jergіlіktі ákіmdіk pen Otbasy bankіnіń yntymaqtastyǵy aıasynda júzege asyryldy. Sonymen qatar jyl sońyna deıіn óńіrde shamamen 900 otbasyny baspanamen qamtamasyz etý josparlanyp otyr.