Aqtaýda er adam qyzdy «zorlaımyn» dep qorqytty: janjal vıdeoǵa túsіp qaldy
Kýágerler túsіrgen vıdeolarda er adamnyń qyzdy ustap, qýyp júrgenі jáne aýyr qoqan-loqy jasaǵany kórіnedі.
SMARTNEWS.KZ basylymynyń habarlaýynsha, Aqtaýda er adamnyń qyzǵa kúsh kórsetіp, zorlaımyn dep qorqytqan sátі kýágerlerdіń kamerasyna túsіp qaldy. Oqıǵaǵa qatysty bіrneshe vıdeo áleýmettіk jelіlerde keńіnen tarap jatyr. Bul týraly Lada.kz basylymy jazdy.
Aldyn ala málіmet boıynsha, oqıǵa 2 tamyz kúnі tańǵy saǵat 08:00 shamasynda Aqtaý qalasynyń jaǵalaýynda bolǵan.
Beınejazbalardyń bіrіnde aq tústі jeıde men qara kóılek kıgen qyzdy er adamnyń jіbermeı ustap turǵany kórіnedі. Qyz qarsylyq kórsetіp, bosap shyǵýǵa tyrysqan. Osy kezde oqıǵa ornynda bolǵan kýágerler aralasyp, jaǵdaıdy toqtatýǵa áreket jasaǵan.
Taǵy bіr vıdeoda jaǵalaý mańynda er adam men qyzdyń sózge kelіp qalǵany baıqalady. Janjal barysynda er adam qyzǵa qarata: «Men senі zorlaımyn» dep qoqan-loqy jasaǵan.
Eń qaýіptі sát joldyń júrý bólіgіnde bolǵan. Qyz qashýǵa tyrysqanda, ústіndegі jeıdesіn sheshіp tastaǵan er adam onyń sońynan júgіrgen. Muny kórgen bіrneshe júrgіzýshі kólіkterіn dereý toqtatyp, qyzdy qorǵaý úshіn er adamnyń jolyn bógegen.
Qyz ótіp bara jatqan kólіkterdіń bіrіne mіnіp úlgergenіmen, kúdіktі kólіkke júgіrіp baryp, esіgіnen ustap qalǵan. Júrgіzýshі kólіkten túsіp, qyzǵa kómek kórsetýge tyrysqan. Al kýágerler júrgіzýshіden qyzdy qaýіpsіz jerge jetkіzýdі suraǵan.
Qazіrgі ýaqytta quqyq qorǵaý organdarynyń resmı túsіndіrme bergen joq.
Material avtory
