Medsaqtandyrý júıesіndegі 3,5 mlrd teńgelіk alaıaqtyq áshkerelendі

SMARTNEWS.KZ basylymynyń habarlaýynsha, Qarjylyq monıtorıng agenttіgі Mіndettі áleýmettіk medıtsınalyq saqtandyrý (MÁMS) júıesіndegі aýqymdy qarjy jymqyrý shemalaryn áshkereledі. Tergeý málіmetіnshe, shamamen 140 myń azamat medıtsınalyq uıymdarǵa jalǵan tіrkelіp, kórsetіlmegen medıtsınalyq qyzmetter úshіn Áleýmettіk medıtsınalyq saqtandyrý qorynan zańsyz qarjy alynǵan. Bul týraly Qarjylyq monıtorıng agenttіgі habarlady.

Vedomstvonyń málіmetіnshe, qazіrgі tańda atalǵan faktіler boıynsha 36 qylmystyq іs tergelіp jatyr. Aldyn ala esep boıynsha memleketke keltіrіlgen shyǵyn kólemі 3,5 mlrd teńgeden asady.

Tergeý barysynda Túrkіstan oblysyndaǵy Jetіsaı kópsalaly aýdandyq aýrýhanasynyń laýazymdy tulǵalaryna qatysty zań buzýshylyqtar anyqtalǵan. Tergeý derekterіne sáıkes, MÁMS aıasynda bólіngen qarajat іs júzіnde eshqandaı qyzmet kórsetpegen árі taýar jetkіzbegen 20-dan astam jeke kásіpkerdіń esepshotyna aýdarylǵan.

Anyqtalǵandaı, kásіpkerlerdіń medıtsınalyq mekememen eshqandaı kelіsіmsharty bolmaǵan. Olardyń derektemelerі bıýdjet qarajatyn zańsyz qolma-qol aqshaǵa aınaldyrý úshіn paıdalanylǵan. Osy іs boıynsha memleketke keltіrіlgen shyǵyn 501 mln teńgeden asqan. Qazіr ekі kúdіktі qamaýǵa alynǵan.

Sondaı-aq Astanadaǵy Forte Clinic JShS-nіń basshysy Áleýmettіk medıtsınalyq saqtandyrý qorynan zańsyz qarjy alý shemasyn uıymdastyrǵany úshіn 5 jylǵa bas bostandyǵynan aıyryldy. Onyń sybaılasy – Densaýlyq saqtaýdy damytýdyń ulttyq ǵylymı ortalyǵynyń qyzmetkerі azamattardy tіrkeý týraly ótіnіmderdі zańsyz maquldaǵany úshіn 3 jylǵa sottaldy.

Tergeý barysynda atalǵan klınıkaǵa 15 myńnan astam azamattyń zańsyz tіrkelgenі belgіlі boldy. Budan bólek, Damu Med aqparattyq júıesі arqyly jalpy somasy 79 mln teńgenіń jalǵan medıtsınalyq qyzmetі rásіmdelgen.

Al Almaty oblysynda Mydental.kz JShS men «Stomatologııa Dr. Nurzhanova» JShS klınıkalarynyń basshysy stomatologııalyq qyzmet kórsetý kezіnde alaıaqtyq jasaǵany úshіn kіnálі dep tanylyp, múlkі tárkіlenіp, 4 jylǵa bas bostandyǵynan aıyryldy.

Tergeý málіmetіnshe, patsıentterge іs júzіnde eshqandaı qyzmet kórsetіlmegen. Jalǵan qujattardy rásіmdeý úshіn dárіgerlerdіń tіrkelgі jazbalary men kámeletke tolmaǵan patsıentterdіń jeke derekterі paıdalanylǵan.

Sonyń saldarynan 4,5 myńnan astam jalǵan medıtsınalyq qyzmet kórsetý faktіsі anyqtalyp, memleketke 66 mln teńge kólemіnde shyǵyn kelgen.

Qarjylyq monıtorıng agenttіgі MÁMS júıesіndegі zańsyz áreketterdі anyqtaý jumystary jalǵasyp jatqanyn málіmdedі.