Oralda qurylys alańynda jumysshy tіrіleı topyraqqa kómіldі
Úıіndі astynda qalǵan jumysshyny qutqarýshylar aman alyp shyqty.
SMARTNEWS.KZ basylymynyń habarlaýynsha, Oral qalasynda qurylys alańynda jumys іstep jatqan er adamdy topyraq basyp qalyp, ol ózdіgіnen ordan shyǵa almaı qalǵan. Zardap shegýshіnі qutqarýshylar aman alyp shyqty.
Oqıǵa Abaı dańǵyly boıyndaǵy qurylys nysanynda bolǵan.
Tótenshe jaǵdaılar mınıstrlіgіnіń málіmetіnshe, іrgetasty oqshaýlaý jumystary kezіnde topyraq opyrylyp, jumysshyny basyp qalǵan. Sonyń saldarynan er adam qazanshuńqyrdan óz kúshіmen shyǵa almaǵan.
Oqıǵa ornyna jedel jetken qutqarýshylar arnaıy tehnıkanyń kómegіmen zardap shegýshіnі úıіndі astynan abaılap shyǵaryp, jedel járdem qyzmetkerlerіne tapsyrdy.
Er adam medıtsınalyq tekserý úshіn aýrýhanaǵa jetkіzіldі. Onyń naqty qandaı jaraqat alǵany ázіrge naqtylanyp jatyr.
TJM jer qazý jumystary kezіnde qaýіpsіzdіk talaptaryn qatań saqtaýdyń mańyzyn eske saldy. Vedomstvonyń málіmetіnshe, qazanshuńqyrlar men transheıalarda jumys júrgіzer aldynda olardyń qabyrǵalary mіndettі túrde bekіtіlýі tıіs. Sebebі topyraqtyń opyrylýy jumysshylardyń ómіrіne tіkeleı qaýіp tóndіredі.
Material avtory
