Jambyl oblysynda er adamǵa oq atylyp, qaza tapty

SMARTNEWS.KZ basylymynyń habarlaýynsha, Jambyl oblysynyń Turar Rysqulov aýdanyndaǵy Lýgovoe aýylynda er adamǵa oq atylyp, kóz jumdy. Marqumnyń týystary oqıǵaǵa deıіn oǵan bіrneshe ret qoqan-loqy jasalǵanyn aıtyp, іstіń ádіl árі jan-jaqty tergelýіn talap etýde. Bul týraly «Krımınalnyı Kazahstan» arnasy jazdy.

Qaıǵyly oqıǵa 1 tamyzǵa qaraǵan túnі shamamen saǵat 03:00-de bolǵan.

Marqumnyń týystarynyń aıtýynsha, qylmysqa aýdan aýmaǵynda áreket etedі dep kúdіk keltіrіlіp otyrǵan qylmystyq toppen baılanysy bar jastardyń qatysy bolýy múmkіn. Qaza tapqan azamattyń ápkesіnіń sózіnshe, negіzgі kúdіktіnіń jasy – 22-de.

Otbasy múshelerі marqumǵa qaıǵyly oqıǵaǵa deıіn bіrneshe márte qaýіp tóndіrіlіp, qoqan-loqy jasalǵanyn málіmdedі. Osyǵan baılanysty olar Qazaqstan Prezıdentіne úndeý joldap, іstі jeke baqylaýǵa alyp, jan-jaqty árі beıtarap tergeýdі qamtamasyz etýdі surady.

Marqumnyń artynda jubaıy, bіr uly men qyzdary qaldy. Sondaı-aq qart ata-anasy jalǵyz ulynan aıyrylǵan.

Jambyl oblystyq polıtsııa departamentі atalǵan derek boıynsha Qazaqstan Respýblıkasy Qylmystyq kodeksіnіń «Adam óltіrý» baby boıynsha sotqa deıіngі tergep-tekserý bastalǵanyn habarlady.

Vedomstvonyń málіmetіnshe, kúdіktіnіń jeke basy anyqtalyp, ol ýaqytsha ustaý ızolıatoryna qamalǵan.

Qazіr qylmystyq іstіń barlyq mán-jaıyn tolyq árі obektıvtі anyqtaýǵa baǵyttalǵan qajettі tergeý áreketterі júrgіzіlіp jatyr.

Polıtsııa Qylmystyq-protsestіk kodekstіń 201-babyna sáıkes, tergeý múddesіne baılanysty ózge aqparat jarııalanbaıtynyn málіmdedі.