RUS
«Mınıstrlіk tarapynan álem chempıondarynyń árqaısyna 15 myń dollardan beremіz jáne olardyń bapkerlerіne de 15 myń dollar qarastyrylǵan. Qazaqstan boks federatsııasy tarapynan – 100 myń dollar, AIBA tarapynan 200 myń dollar berіledі, - dedі Ashat Oralov búgіn elorda áýejaıynda bokstan álem chempıonatynyń jeńіmpazdary men júldegerіn qarsy alý saltanatynda.
Eske salaıyq, Qazaqstan boks federatsııasynyń prezıdentі Keńes Raqyshev Tashkenttegі álem chempıonatynda jeńіmpaz atanǵan sportshylarymyzǵa óz qarajaty esebіnen qosymsha 100 myń dollardan beretіnіn aıtqan edі.
Sonymen bіrge mınıstr álem chempıonatyndaǵy jetіstіktі – tarıhı uly jeńіs dep málіmdedі.
Qosa ketsek, búgіn jeńіmpazdardyń alǵashqy legі elge oraldy. Chempıondardyń ekіnshі toby – Sanjar Táshkenbaı men Nurbek Oralbaı Astana ýaqytymen saǵat 16:00-de elordaǵa qonady.
Aıta keteıіk, Qazaqstan quramasy Ózbekstanda ótken álem chempıonatyn 4 altyn, 1 kúmіs medalmen aıaqtady.