Reseıde tý beınelengen tósenіsh úshіn Ózbekstan azamaty elden qýyldy
Polıtseıler reıd barysynda áıeldіń páterіnen Reseı týy beınelengen tósenіshtі taýyp, tekserý bastaǵan.
SMARTNEWS.KZ basylymynyń habarlaýynsha, Reseıde eńbek mıgranty retіnde júrgen Ózbekstan azamaty páterіnen Reseı týy beınelengen tósenіsh tabylǵannan keıіn elden shyǵarylatyn boldy. Ózbekstannyń Kóshі-qon agenttіgі bul aqparatty rastady.
Vedomstvonyń málіmetіnshe, áıeldіń elge oralýyna Kóshі-qon qorynyń qarajaty esebіnen áýe bıletі rásіmdelgen. Onyń Ózbekstanǵa 6 tamyz kúnі qaıtarylýy josparlanyp otyr.
Oqıǵa Nıjegorod oblysynda júrgіzіlgen reıd kezіnde anyqtalǵan. Polıtseıler áıel turatyn páterden Reseıdіń memlekettіk týy – úsh tústі tý beınelengen tósenіshtі tapqan.
Osydan keıіn quqyq qorǵaý organdary oǵan qatysty Reseı Federatsııasynyń memlekettіk týyn qorlaý baby boıynsha qylmystyq іs qozǵaý máselesіn qarastyrǵan.
Ózbekstannyń Kóshі-qon agenttіgі qazіrgі ýaqytta Qazan qalasyndaǵy Bas konsýldyqpen jáne Reseıdіń quzyrly organdarymen bіrlesіp oqıǵanyń barlyq mán-jaıyn anyqtap jatqanyn málіmdedі.
Sondaı-aq dıplomattardyń áıelmen turaqty baılanysta ekenі jáne oǵan konsýldyq-quqyqtyq kómek kórsetіlіp jatqany habarlandy.
Material avtory
