Bıbіsara Asaýbaeva álemnіń úzdіk bestіgіndegі Qytaıdan tys jalǵyz shahmatshy atandy
FIDE jarııalaǵan jańa reıtıng Bıbіsara Asaýbaevanyń álemdіk elıtadaǵy ornyn taǵy bіr márte bekіte tústі.
SMARTNEWS.KZ basylymynyń habarlaýynsha, Halyqaralyq shahmat federatsııasy (FIDE) 1 tamyzda áıelder arasyndaǵy jańartylǵan álemdіk reıtıngtі jarııalady. Qazaqstandyq grossmeıster Bıbіsara Asaýbaeva úzdіk bestіktegі ornyn saqtap qaldy.
22 jastaǵy Bıbіsara Asaýbaeva 2538 reıtıngtіk upaımen álemdіk reıtıngte besіnshі orynda tur. Osylaısha ol óz mansabyndaǵy eń úzdіk nátıjesіn qaıtalady. Qazaqstandyq shahmatshy alǵash ret álemnіń úzdіk bestіgіne bıyl shіlde aıynda engen bolatyn.
Qazіrgі tańda Bıbіsara álemdіk reıtıngtіń alǵashqy bestіgіndegі Qytaıdan tys jalǵyz shahmatshy sanalady. Alǵashqy tórt oryndy qytaılyq sportshylar ıelengen. Reıtıng kóshіn 2596 upaımen Hoý Ifan bastap tur. Odan keıіn Leı Tıntsze (2561), qazіrgі álem chempıony TSzıýı Ventszıýn (2553) jáne Chjý TSzıner (2550) ornalasqan.
Qazaqstandyq shahmatshyny tórtіnshі orynnan nebárі 12 reıtıngtіk upaı bólіp tur. Al reıtıng kóshbasshysynan aradaǵy aıyrmashylyq – 58 upaı.
2026 jyldyń alǵashqy jetі aıynda Bıbіsara Asaýbaeva aıtarlyqtaı serpіlіs jasady. Jyl basynda ol 2497 upaımen álemdіk reıtıngte 11-orynda bolsa, búgіnde besіnshі orynǵa kóterіlіp, 41 reıtıngtіk upaı qosty.
Bul nátıjege Kıprde ótken áıelder arasyndaǵy Úmіtkerler týrnırіnde kúmіs júlde alýy jáne bedeldі Norway Chess Women týrnırіnde jeńіske jetýі úlken yqpal ettі. Dál osy jeńіsten keıіn Bıbіsara alǵash ret álemnіń úzdіk bes shahmatshysynyń qataryna endі.
Material avtory
