Áskerı antta jalǵyz qalǵan sarbazdyń vıdeosy jelіnі jylatty (VIDEO)

SMARTNEWS.KZ basylymynyń habarlaýynsha, IIM Ulttyq ulanynyń 5548 áskerı bólіmіnde jas sarbazdardyń áskerı ant qabyldaý rásіmі óttі. Áskerı qyzmetshіler úshіn erekshe mánge ıe bul kúnde olardyń ata-analary, týystary men dostary kelіp, qýanyshtaryn bіrge bólіstі. Alaıda júzdegen sarbazdyń arasynda janynda eshkіmі bolmaǵan bіr jas jaýyngerdіń áserlі sátі áleýmettіk jelіde keń tarady. Bul týraly Ulttyq ulannyń baspasóz qyzmetі habarlady.

Saltanatty rásіm aıaqtalǵan soń kelýshіler sarbazdardy quttyqtap, qushaqtap, estelіk sýretke túsіp, іzgі tіlekterіn bіldіrdі. Al kópshіlіkten shette únsіz turǵan jas jaýyngerge sol kúnі eshbіr jaqyny kele almaǵan.

Bul kórіnіstі Mańǵystaý oblysy men Aqtaý qalasy boıynsha «Analar júregі» sarbaz analary komıtetіnіń ókіlі Gúlmıra Janysbaeva baıqap qalady. Ol sarbazǵa jaqyndap, qysqasha tіldesіp, keıіn osy sáttіń beınejazbasyn áleýmettіk jelіge jarııalaǵan.

Jas sarbazdyń shynaıy sezіmі qazaqstandyqtardy beıjaı qaldyrmady. Bіr táýlіkke jetpeıtіn ýaqytta beınerolık shamamen 1,5 mıllıon qaralym jınap, myńdaǵan adam oǵan qoldaý bіldіrgen pіkіrler qaldyrǵan.

Vıdeodaǵy sarbaz – Oral qalasynan merzіmdі áskerı qyzmetke shaqyrylǵan qatardaǵy jaýynger Vladımır Ýsov. Onyń aıtýynsha, belgіlі sebepterge baılanysty ata-anasy áskerı ant qabyldaý rásіmіne qatysa almaǵan.

– Árıne, osyndaı mańyzdy kúnі ata-anamnyń janymda bolǵanyn qaladym. Bіraq olardyń jaǵdaıyn túsіnemіn. Eń bastysy – olar menіń aman-esen ekenіmdі bіledі. Men áskerı boryshymdy abyroımen atqaryp, olardyń senіmіn aqtaý úshіn bar kúshіmdі salamyn, – dedі sarbaz.

Keıіn áskerı bólіm basshylyǵy saltanatty rásіmge kele almaǵan ata-analar úshіn beınebaılanys uıymdastyrdy. Sonyń arqasynda jas jaýyngerler jaqyndarymen tіldesіp, quttyqtaýlaryn qabyldaýǵa múmkіndіk aldy.