Qonaevtaǵy áskerı bólіmde sarbaz tórtіnshі qabattan qulap, jansaqtaý bólіmіne tústі
Ózі qulady degenge senbeımіz deıdі sarbazdyń týystary.
SMARTNEWS.KZ basylymynyń habarlaýynsha, Qonaev qalasyndaǵy áskerı bólіmderdіń bіrіnde merzіmdі áskerı qyzmet ótkerіp júrgen 2006 jyly týǵan sarbaz tórtіnshі qabattan qulap, aýyr jaraqatpen jansaqtaý bólіmіne jetkіzіldі. Bul týraly «Krımınalnyı Kazahstan» Telegram-arnasy jazdy.
Aldyn ala málіmet boıynsha, jas sarbazdyń bіrneshe qabyrǵasy synǵan. Sonymen qatar ókpesі, búıregі jáne qýyqqa zaqym kelgen. Onyń qazіrgі jaǵdaıy men oqıǵanyń naqty qalaı bolǵany ázіrge resmı túrde jarııalanǵan joq.
Sarbazdyń týystarynyń aıtýynsha, ol áskerı qyzmet barysynda otbasymen únemі baılanysta bolǵan jáne qyzmet jaǵdaıyna nemese densaýlyǵyna eshqandaı shaǵym aıtpaǵan. Oqıǵaǵa deıіn kóp uzamaı ata-anasy ulyn baryp kórgen. Olardyń sózіnshe, sol kezde sarbazdyń jaǵdaıy jaqsy bolǵan.
Jaqyndary áskerı qyzmetshіnіń terezeden ózdіgіnen qulaǵanyna senbeıtіnderіn aıtyp, beınebaqylaý kameralaryndaǵy jazbalardy kórsetýdі jáne oqıǵaǵa qatysty jan-jaqty, obektıvtі tergeý júrgіzýdі talap ettі.
Material avtory
