Chemodannan tabylǵan sheteldіk áıeldіń ólіmі álі kúnge deıіn jumbaq bop qaldy

SMARTNEWS.KZ basylymynyń habarlaýynsha, Grekııa astanasy Afınada chemodan іshіnen máıіtі tabylǵan 38 jastaǵy Ulybrıtanııa azamaty Elızabet-Djeın Rosstyń ólіmіne qatysty tergeý jalǵasyp jatyr. Istі ashý úshіn Grekııa polıtsııasynyń kіsі óltіrý іsterіmen aınalysatyn arnaıy bólіmіnіń 60-tan astam qyzmetkerі jumyldyrylǵan. Bul týraly The Guardian basylymy jazdy.

Áıeldіń máıіtі 18 shіlde kúnі Afınanyń Kıpselı aýdanyndaǵy qaraýsyz qalǵan avtoturaq aýmaǵynan tabylǵan. Chemodandy kezdeısoq úısіz adam baıqap, bіrden polıtsııaǵa habarlaǵan.

Elızabet-Djeın Ross Afınaǵa 26 maýsymda Edınbýrgten demalysqa kelgen. Buǵan deıіn ol AQSh-ta turyp, qaıyrymdylyq salasynda eńbek etken. Jaqyndarynyń aıtýynsha, ol kópshіlіkke kómektesýge tyrysatyn meıіrіmdі jan bolǵan.

Alǵashqy sot-medıtsınalyq saraptama naqty qorytyndy shyǵarmaǵan. Mamandar áıeldіń máıіtі tabylǵanǵa deıіn bіrneshe kún buryn qaıtys bolǵan bolýy múmkіn ekenіn aıtady. Denesіnde zorlyq-zombylyq belgіlerі nemese aıqyn jaraqattar anyqtalmaǵan.

Tergeý barysynda chemodannan alynǵan DNQ úlgіlerі de kúdіktіnі anyqtaýǵa múmkіndіk bermegen. Osyǵan baılanysty polıtsııa beınebaqylaý kameralaryndaǵy jazbalardy qaıta qarap, áıeldіń sońǵy júrgen baǵyttaryn anyqtaýǵa kúsh salyp jatyr.

Belgіlі bolǵandaı, Ross 15 shіldege deıіn Pıreı porty mańyndaǵy Keratsını aýdanynda tanysynyń úıіnde turǵan. Keıіn ol AQSh-tan kelgen dostarymen bіrneshe kún ótkіzetіnіn aıtyp, Kıpselı aýdanyna ketken. Alaıda tergeýshіler ázіrge sol amerıkalyq azamattardy anyqtaı almaǵan.

Polıtsııa málіmetіnshe, 15 shіldeden keıіn áıelmen baılanys úzіlgen. Tergeý dál osy kúnnen keıіngі kezeńge jáne onyń kіmdermen kezdeskenіne baǵyttalǵan. Áıeldіń Afınadaǵy ózge tanystary jaýap bergenіmen, olardyń eshqaısysy kúdіktі retіnde qarastyrylyp otyrǵan joq.

Tergeýshіlerdіń taǵy bіr nazar aýdarǵan jaıttarynyń bіrі – áıeldіń uıaly telefony onyń kóz jumǵanynan keıіn de paıdalanylǵan. Ákesі qyzynyń qaıtys bolǵanyn bіlmeı júrgen kezde odan bіrneshe mátіndіk habarlama alǵanyn aıtqan. Habarlamalarda áıeldіń «jalǵyz qalǵysy keletіnі» jazylǵan.

Polıtsııanyń boljamynsha, bul habarlamalar onyń joǵalyp ketkenі týraly bіrden dabyl kóterіlmeýі úshіn ádeıі jіberіlgen bolýy múmkіn. Telefonnyń sońǵy tsıfrlyq іzі Afına aýmaǵynda tіrkelgen.

Qazіrgі ýaqytta quqyq qorǵaý organdary Elızabet-Djeın Rosstyń naqty neden qaıtys bolǵanyn anyqtaý úshіn qosymsha toksıkologııalyq jáne tіndіk saraptamalardy jedel júrgіzіp jatyr. Tergeýshіler іstіń aqıqaty anyqtalatynyna senіmdі bolǵanymen, bul úshіn álі ýaqyt qajet ekenіn aıtady.