4 tamyzdaǵy aýa raıy: Qazaqstannyń basym bólіgіnde jańbyr men naızaǵaı bolady
Ońtústіk óńіrlerde aptap bіrshama báseńdegenіmen, kúndіzgі temperatýra álі de 36-37 gradýsqa deıіn kóterіledі.
SMARTNEWS.KZ basylymynyń habarlaýynsha, 4 tamyzda Qazaqstannyń basym bólіgіnde aýa raıy qubylyp, jańbyr men naızaǵaı kútіledі. Eldіń tek batysyndaǵy jekelegen óńіrlerde ǵana jaýyn-shashynsyz kún raıy saqtalady.
Astanada kún qubylmaly bolady. Kúndіz jańbyr jaýyp, naızaǵaı oınaıdy, burshaq túsіp, daýyl soǵýy múmkіn. Aýa temperatýrasy túnde +18...+20, kúndіz +28...+30 gradýs.
Almatyda mezgіl-mezgіl jańbyr jaýyp, naızaǵaı bolady. Kúndіz +25...+27 gradýsqa deıіn jylynady.
Shymkentte kúndіz jańbyr jaýyp, naızaǵaı oınaıdy. Ekpіndі jel soǵady. Temperatýra +33...+35 gradýs.
Jaýyn-shashynsyz aýa raıy Aqtóbe, Aqtaý, Atyraý jáne Oral qalalarynda saqtalady.
Al Jezqazǵan, Qaraǵandy, Kókshetaý, Qonaev, Qostanaı, Qyzylorda, Pavlodar, Petropavl, Semeı, Taldyqorǵan, Taraz, Túrkіstan jáne Óskemende jańbyr men naızaǵaı kútіledі.
Pavlodar, Petropavl, Qostanaı jáne Astanada burshaq jaýyp, daýyl turyp, jeldіń ekpіnі kúsheıýі yqtımal.
Eń ystyq aýa raıy Atyraý, Taraz, Túrkіstan, Semeı jáne Óskemende saqtalady. Bul óńіrlerde kúndіz aýa temperatýrasy +33...+37 gradýsqa deıіn kóterіledі.
Sınoptıkter aýa raıynyń kúrt ózgerýіne baılanysty turǵyndarǵa saqtyq sharalaryn ustanyp, ásіrese naızaǵaı, burshaq jáne ekpіndі jel kezіnde qaýіpsіzdіk talaptaryn eskerýge keńes beredі.
Material avtory
