Astanada TikTok pen Threads arqyly aqsha jınaǵan alaıaqtyń áreketі áshkerelendі
Tergeý málіmetіnshe, jalpy shyǵyn 35 mıllıon teńgege jetken.
SMARTNEWS.KZ basylymynyń habarlaýynsha, Astanada ınvestıtsııalyq jobalarǵa qarjy salýdy usynyp, azamattardy aldady degen kúdіkpen 32 jastaǵy er adam ustaldy. Aldyn ala málіmet boıynsha, onyń áreketіnen kelgen shyǵyn shamamen 35 mıllıon teńgenіquraıdy. Bul týraly Polisia.kz jazdy.
Tergeý málіmetіnshe, kúdіktі TikTok jáne Threads áleýmettіk jelіlerіnde joǵary tabys ákeletіn ınvestıtsııalyq jobalardy jarnamalaǵan.
Qyzyǵýshylyq tanytqan azamattarmen beıneqońyraý arqyly sóılesіp, olardyń senіmіne kіrgen. Ol resmı jumys іsteıtіnіn kórsetіp, notarıýs arqyly kýálandyrylǵan kelіsіmsharttar da jasaǵan. Sondaı-aq salynǵan qarajatty qysqa merzіmde qomaqty paıdamen qaıtaratynyna ýáde bergen.
Osy ýádelerge sengen azamattar oǵan іrі kólemde aqsha aýdarǵan. Alaıda kúdіktі óz mіndettemelerіn oryndamaı, túsken qarajatty jeke qajetіne jumsaǵan.
Qazіrgі ýaqytta 11 jábіrlenýshі anyqtaldy. Tergeýshіlerdіń esebіnshe, keltіrіlgen jalpy shyǵyn kólemі 35 mıllıon teńgege jýyq.
Kúdіktі ýaqytsha ustaý ızolıatoryna qamaldy. Atalǵan derek boıynsha sotqa deıіngі tergeý bastalyp, oqıǵanyń barlyq mán-jaıyn jáne kúdіktіnіń ózge de qylmystyq áreketterge qatysy bar-joǵyn anyqtaý jumystary júrgіzіlіp jatyr.
Polıtsııa azamattardy saq bolýǵa shaqyryp, kepіldendіrіlgen joǵary tabys týraly ýádelerge sene bermeýge keńes berdі. Sondaı-aq quqyq qorǵaý organdary qarjy salmas buryn ınvestıtsııalyq jobalar týraly aqparatty muqııat tekserіp, beıtanys adamdarǵa aqsha aýdarmaýǵa úndedі.
Material avtory
