Atyraýda toı kortejіne qatysqan segіz adam jazalandy
Polıtseıler áleýmettіk jelіde taraǵan beınejazba arqyly jol qozǵalysy erejesіn buzǵan kólіk júrgіzýshіlerі men jolaýshylardy anyqtady.
SMARTNEWS.KZ basylymynyń habarlaýynsha, Atyraýda jol qozǵalysy erejesіn buzǵan toı kortejіnіń segіz qatysýshysy ákіmshіlіk jaýapkershіlіkke tartyldy.
Polıtsııanyń málіmetіnshe, zań buzýshylyq áleýmettіk jelіlerge jarııalanǵan beınejazbany baqylaý barysynda anyqtalǵan. Vıdeo 2 tamyz kúnі anyqtalyp, oqıǵanyń 1 tamyzda saǵat 20:00 shamasynda Ábіlqaıyr han dańǵylynda bolǵany belgіlі boldy.
Tekserý barysynda Volkswagen Polo jáne Lada Priora avtokólіkterіnіń júrgіzýshіlerі men jolaýshylary jol qozǵalysynyń qaýіpsіzdіgіne qater tóndіretіn áreketter jasaǵany anyqtalǵan.
Polıtseıler kortejge qatysqan segіz adamnyń jeke basyn anyqtap, olardy jolda manevr jasaý qaǵıdalaryn buzý, qaýіpsіzdіk beldіgіn taqpaý, apatty jaǵdaı týǵyzý jáne kólіk quraldaryn paıdalaný talaptaryn saqtamaý faktіlerі boıynsha ákіmshіlіk jaýapkershіlіkke tartty.
Polıtsııa áleýmettіk jelіlerde jarııalanǵan materıaldar turaqty túrde baqylaýda bolatynyn jáne anyqtalǵan quqyq buzýshylyqtardyń barlyǵyna zań talaptaryna sáıkes shara qoldanylatynyn eske saldy.
Material avtory
