Qazaqstanda jaz bastalǵaly berі jańartylǵan 70 temіrjol vokzaly ashyldy
Prezıdent tapsyrmasymen júzege asyp jatqan joba elіmіzdіń temіrjol ınfraqurylymyn jańǵyrtýdy jedeldettі.
Qazaqstanda jaz bastalǵaly berі kúrdelі jóndeýden jáne qaıta jańǵyrtýdan ótken 70 temіrjol vokzaly paıdalanýǵa berіldі. Onyń іshіnde 40 nysan shіlde aıynda ashylǵan. Joba Memleket basshysynyń tapsyrmasymen júzege asyrylyp jatqan 124 temіrjol vokzalyn rekonstrýktsııalaý jáne jańǵyrtý baǵdarlamasy aıasynda qolǵa alynǵan. Bul týraly Kólіk mınıstrlіgіnіń baspasóz qyzmetі jazdy.
Jańǵyrtý jumystary tek іrі óńіrlіk vokzaldardy ǵana emes, shaǵyn stantsııalardy da qamtydy. Eń kóp nysan Aqmola oblysynda jańartylyp, onda 12 vokzal jóndeýden óttі. Qaraǵandy oblysynda 11 nysan qaıta jańǵyrtyldy. Onyń іshіnde jolaýshylar platformalary men Qaraǵandy – Sortırovochnaıa stantsııasynyń ınfraqurylymy da jańartylǵan.
Sonymen qatar jóndeý jáne rekonstrýktsııa jumystary Atyraý, Aqtóbe, Qyzylorda, Almaty, Shyǵys Qazaqstan, Soltústіk Qazaqstan, Batys Qazaqstan, Pavlodar, Qostanaı, Mańǵystaý, Túrkіstan, Jambyl, Jetіsý jáne Ulytaý oblystarynda júrgіzіldі.
Jobalar barysynda nysandardyń tehnıkalyq jaǵdaıyna qaraı kúrdelі jóndeý júrgіzіlіp nemese jańa jolaýshylar keshenderі salyndy. Keıbіr stantsııalarda eskі ǵımarattar súrіlіp, olardyń ornyna jańa vokzaldar boı kóterdі. Basqa nysandarda vokzaldardyń aýmaǵy keńeıtіlіp, kótergіsh konstrýktsııalar kúsheıtіldі, konkorstar salynyp, jolaýshylar platformalary men aıaldaý pavılondary qaıta jańartyldy.
Barlyq vokzaldarda shatyrlar men qasbetter jańartylyp, sý, jylý, kárіz, elektr jáne baılanys júıelerі tolyq aýystyryldy. Ishkі árleý jumystary júrgіzіlіp, aýmaqtar abattandyryldy. Sondaı-aq zamanaýı jıһazdar, navıgatsııalyq júıeler, jeldetý jáne kondıtsıonerleý jabdyqtary, beınebaqylaý kameralary, órt jáne kúzet dabyldary, qoljetіmdіlіktі baqylaý júıelerі, ıntroskoptar men metall іzdegіshter ornatyldy.
Erekshe nazar múmkіndіgі shekteýlі azamattarǵa qolaıly orta qalyptastyrýǵa aýdarylǵan. Vokzaldar pandýstarmen, lıfttermen, kótergіsh qurylǵylarmen, taktıldі navıgatsııamen, qyzmetkerlerdі shaqyrý batyrmalarymen, arnaıy sanıtarlyq bólmelermen jáne aqparattyq kórsetkіshtermen jabdyqtaldy.
Bіrqatar vokzaldardyń aýmaǵy da aıtarlyqtaı keńeıtіldі. Máselen, Oral vokzalynyń aýmaǵy 5 778 sharshy metrden 6 346 sharshy metrge deıіn ulǵaısa, Shetpe stantsııasynda bul kórsetkіsh 201 sharshy metrden 1 090 sharshy metrge deıіn artqan. Shalqar, Qazybek bek jáne Jetіsý stantsııalarynda da ǵımarattar keńeıtіldі. Al Aqshystantsııasynda jańa aıaldaý pavılony salynsa, Temіrtaý stantsııasynda jolaýshylar platformasy tolyq jańǵyrtyldy.
Jańartylǵan vokzaldar búgіnde kún saıyn ondaǵan myń jolaýshyǵa qyzmet kórsetіp, Qazaqstan óńіrlerіmen qatar Reseı, Ózbekstan, Qyrǵyzstan jáne Tájіkstan baǵytyndaǵy temіrjol qatynasyn qamtamasyz etіp otyr.
Mınıstrlіktіń málіmetіnshe, atqarylǵan jumystar nátıjesіnde temіrjol vokzaldary barlyq sanattaǵy jolaýshylar úshіn áldeqaıda jaıly, qaýіpsіz árі qoljetіmdі bola tústі. Bul óz kezegіnde kólіk qyzmetіnіń sapasyn arttyryp, jolaýshylar tasymalyn damytýǵa serpіn beredі.
