ShQO-da burynǵy kúıeýі alty balanyń anasynyń qulaǵyn kesіp ketken
Áıelge pyshaqpen shabýyl jasaǵan erkek qamaýǵa alyndy.
SMARTNEWS.KZ basylymynyń habarlaýynsha, Shyǵys Qazaqstan oblysynyń Samarskoe aýylynda er adam burynǵy jubaıyna pyshaqpen shabýyl jasap, onyń qulaǵyn kesіp ketken. Qatygez oqıǵaǵa baılanysty kúdіktі qamaýǵa alyndy.
Alǵashynda oqıǵa týraly aqparat «Za namı ýje vyehalı» Telegram-arnasynda jarııalanǵan. Málіmetke sáıkes, shabýyl jasaǵan er adam alty kámeletke tolmaǵan balany tárbıelep otyrǵan burynǵy áıelіnіń qulaǵyn kesіp ketken.
Shyǵys Qazaqstan oblysy polıtsııa departamentіnіń málіmetіnshe, oqıǵa 25 shіlde kúnі bolǵan.
Sol kúnі jábіrlenýshіnіń 51 jastaǵy burynǵy jubaıy ustalyp, keıіn sot sanktsııasymen qamaýǵa alynǵan.
Polıtsııanyń habarlaýynsha, kúdіktіge qatysty qylmystyq іs qozǵaldy. Sonymen qatar oǵan jábіrlenýshіmen kez kelgen baılanysqa shyǵýǵa tyıym salatyn qorǵaý nusqamasy shyǵarylǵan.
Qazіrgі ýaqytta іs boıynsha sotqa deıіngі tergeý jalǵasyp jatyr. Quqyq qorǵaý organdary oqıǵanyń barlyq mán-jaıyn anyqtap jatyr.
Material avtory
